У судзе Познані праходзіць працэс па справе 35-гадовага беларуса Аляксандра, якога абвінавачваюць у здзяйсненні ДТЗ са смяротным вынікам і кіраванні аўтамабілем у стане ап'янення. 31 студзеня абвінавачванне запытала для яго 7,5 гадоў пазбаўлення волі і пажыццёвае пазбаўленне правоў. Прысуд будзе абвешчаны 9 лютага, паведамляе Reform.by.
ДТЗ адбылося 9 лютага 2023 года. Кіроўца Uber збіў 26-гадовую веласіпедыстку, якая пераязджала праезную частку па велапераездзе. Кіроўца спрабаваў аказаць пацярпелай дапамогу, але дзяўчына памерла на месцы здарэння.
Следства ўстанавіла, што кіроўца перавысіў хуткасць (67 км/г замест дазволеных 50 км/г). Таксама было ўстаноўлена, што кіроўца знаходзіўся пад уплывам наркатычных рэчываў у канцэнтрацыі, эквівалентнай 0,5 праміле.
Аляксандр на судзе сцвярджаў, што ў той дзень не курыў марыхуану, але ўжываў яе за некалькі дзён да аварыі. Абвінавачаны таксама заявіў, што аўтамабіль быў часткова няспраўны.
Андрэй Дзмітрыеў з'ездзіў у Бундэстаг, каб давесці неабходнасць удзелу Лукашэнкі ў мірных перамовах10
Каментары