У Расіі ЦВК знайшоў у подпісах за Надзеждзіна памылкі, якія «выклікаюць здзіўленне»
Надзеждзіна і іншага прэтэндэнта Малінковіча запрашаюць 5 лютага прыехаць у камісію.
Намеснік старшыні Цэнтральнай выбарчай камісіі Расіі Мікалай Булаеў заявіў, што ў падпісных лістах, якія здалі Барыс Надзеждзін («Грамадзянская ініцыятыва») і Сяргей Малінковіч («Камуністы Расіі») для вылучэння ў кандыдаты на прэзідэнцкія выбары, ЦВК выявіў памылкі, якія выклікаюць здзіўленне, піша «Коммерсант».
Спадар Булаеў паведаміў, што Камісія запрашае Надзеждзіна і Малінковіча прыехаць 5 лютага, каб прадставіць ім вынікі праверачных працэдур і пратаколы аб выяўленых у часе праверкі парушэннях.
Як заявіў намеснік старшыні ЦВК, камісія, як правіла, не ўлічвае «недакладнасці ў напісанні», выяўленыя ў некаторых падпісных лістах.
«Але калі мы бачым дзясяткі людзей, якіх на гэтым свеце ўжо няма, а яны паставілі подпіс, узнікае пытанне ахайнасці, этычных нормаў, якія выкарыстоўваюцца ў тым ліку і зборшчыкам подпісаў. У нейкай ступені кандыдат да гэтага датычны», — пракаментаваў спадар Булаеў папярэднія вынікі праверкі падпісных лістоў кандыдатаў ад «Грамадзянскай ініцыятывы» і «Камуністаў Расіі».
Намеснік старшыні ЦВК падкрэсліў, што камісія не дапускае ніякіх суб'ектыўных ацэнак пры праверцы подпісаў.
Кіраўнік ЦВК Эла Памфілава у ходзе пасяджэння заявіла, што камісія плануе абвясціць рашэнне аб допуску пакінутых кандыдатаў да прэзідэнцкіх выбараў 7 лютага.
Выбары прэзідэнта Расіі прызначаныя на 17 сакавіка 2024 года. Галасаванне пройдзе ў тры дні — 15, 16 і 17 сакавіка.
На гэты момант ЦВК зарэгістраваў чатырох кандыдатаў у прэзідэнты: Леаніда Слуцкага (ЛДПР), Мікалая Харытонава (КПРФ), Уладзіслава Даванкова («Новыя людзі») і Уладзіміра Пуціна (самавылучэнец).
Фізік, бард і шматдзетны бацька — хто такі Барыс Надзеждзін, за вылучэнне якога ў Расіі людзі стаяць у чэргах, каб пакінуць свой подпіс
«Каб не зрабіўся расійскай Ціханоўскай». Адміністрацыя прэзідэнта Расіі рэкамендавала не дапускаць Надзеждзіна да выбараў
Каманда Навальнага абвясціла сваю стратэгію на дзень прэзідэнцкіх выбараў
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?15
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?
Байдэн можа зняць сваю кандыдатуру з выбараў, калі на яго націснуць сваякі і сябры. А хто яго можа замяніць?7
Каментары