Здароўе77

«Шкада, што збіваю вашыя планы. Але мяне болей няма»: тату-майстрыха з Віцебска ў інстаграме распавяла пра самагубства 

На акаўнт moonzytattoo ў інстаграме падпісана больш за 23 тысячы чалавек. Дзяўчына з Віцебска, якую завуць Кацярына, робіць вельмі мілыя тату — у яе творчасці шмат прыхільнікаў. Але ўчора дзяўчына выклала незвычайнае відэа. Мяркуючы па ім, можна было зразумець, што яна плануе забіць сабе. Падпісчыкі сталі шукаць варыянты выратаваць яе жыццё.

Скрыншот відэа ў інстаграме moonzytattoo

Па вельмі эмацыянальным відэа дзяўчыны, дзе яна амаль увесь час плача, складана зразумець сітуацыю.

− Дарагія сябры, мае кліенты. Я вымушана адмяніць вашыя запісы. На жаль, так атрымалася, што маё дзіця памерла. І адзіны чалавек, які мусіў быць са мной, адмовіўся ад мяне. З такой жорсткасцю, што вы нават сабе не ўяўляеце. Мне вельмі шкада, што я адмяняю запіс. Мне вельмі шкада, што я збіваю вашыя планы. Але мяне болей няма. Я вельмі моцна старалася, я праз усё прайшла сама. Мяне не падтрымалі ні словам, нічым, ніяк… Я праз усё ішла сама, маленькая дзяўчынка Каця… І я не справілася. Мяне больш няма. Будзьце, калі ласка, добрымі людзьмі.

Таксама ў апісанні профілю тату-майстрыха напісала: «Бывайце. Прабачце мне, калі ласка». Зразумеўшы, што дзяўчыну патрэбна ратаваць, яе падпісчыкі пачалі шукаць варыянты гэта зрабіць — улічваючы той факт, што шмат часу на гэта не было. Нехта пісаў кранальныя каментарыі, хтосьці спрабаваў датэлефанавацца праз інстаграм і па мабільнай сувязі, хтосьці звязваўся з мамай Кацярыны. Патэлефанавалі і ў міліцыю.

Зараз сяброўкі дзяўчыны паведамляюць, што Кацярына разам з мамай знаходзіцца ў бальніцы.

Трэба адзначыць, што сярод каментатараў знайшліся і тыя, хто пачаў папракаць дзяўчыну ў тым, што яна выклала эмацыянальна цяжкі кантэнт у інтэрнэт.

«Наша Ніва» звярнулася да псіхолага (імя не называем па яго просьбе) з пытаннем, што рабіць, калі раптам ты бачыш у сацыяльных сетках, што твой знаёмы ў адным кроку ад суіцыду.

− Калі вы пабачылі ў сацыяльных сетках як ваш сябра ці знаёмы распавядае пра сваё самагубства, паспрабуйце звязацца з ім ці з яго сваякамі. Абярыце самы хуткі спосаб. Прапануйце сваю дапамогу. Можна сказаць, што вы разумееце як цяжка, што ў гэты час не відна іншага шляху, але трэба неяк супакоіцца. Адначасова трэба ехаць да чалавека ці знайсці таго, хто можа гэта зрабіць.

Ёсць добрая навіна: калі чалавек кажа пра самагубства публічна, гэта значыць, што ён яшчэ сумняваецца — і яго магчыма спыніць. Калі раптам вы думаеце, што чалавек «хоча проста прыцягнуць да сябе ўвагу», устрымайцеся ад ацэнкі. Калі вы не збіраецеся дапамагаць чалавеку, ці не разумееце, што рабіць, лепш прайсці міма, чым асуджаць.

Самае дрэннае, што можна зрабіць, гэта пачаць крытыкаваць і абвінавачваць. Бо часцей за ўсё да самагубства прыводзіць пачуццё віны. Такім чынам, калі ідзе гаворка пра жыццё, заўсёды трэба ставіцца да гэтага вельмі сур'ёзна і сваё меркаванне трымаць пры сабе. Галоўнае — не нашкодзіць.

Каментары7

  • Не делай добра и не будет зла
    03.02.2024
    Помогаторы которые куда-либо обращались просто медвежью услугу оказали. В РБ вообще бесплатная медицина дно - столнешься с хамством и издевательствами даже если при смерти, ну а в дурке просто закроют и выпилиться после такого места захочется ещё больше.
  • Максим Дизайнер
    03.02.2024
    Новости из страны хатаскрайников и атеистов.
  • даведка
    04.02.2024
    Вынудил сделать аборт, после чего бросил?

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць