Свет11

Супрацоўнікаў Расавіяцыі падазраюць у продажы самалётаў і верталётаў для патрэб Украіны

ФСБ РФ завяло дзве крымінальныя справы — аб халатнасці і перавышэнні службовых паўнамоцтваў — у дачыненні да некалькіх супрацоўнікаў Расавіяцыі. Іх падазраюць у тым, што пасля пачатку вайны яны незаконна вывелі з-пад расейскай юрысдыкцыі 59 самалётаў і верталётаў. Некаторыя з гэтых бартоў у выніку патрапілі ў іншыя краіны, і іх выкарыстоўвалі для аказання ваеннай дапамогі Украіне, пішуць «Известия».

ФСБ правяла ператрусы ў Расавіяцыі па крымінальных справах аб незаконным вывадзе з-пад расейскай юрысдыкцыі амаль 60 грамадзянскіх самалётаў і верталётаў, паведамілі крыніцы «Известий». «Пачынаючы з сакавіка 2022 года, гэтыя барты былі прададзены ў тым ліку ў недружалюбныя краіны, пасля чаго тры верталёты бралі ўдзел у СВА на баку праціўніка, а Іл-76 дастаўлялі грузы з выключанымі адказчыкамі, каб іх маршруты нельга было адсачыць, указала крыніца, блізкая да сілавых структур», — піша выданне.

Менавіта гэтая гісторыя, імаверна, і прывяла да адстаўкі ў верасні 2023 года Аляксандра Нерадзько, які ўзначальваў Расавіяцыю на працягу 14 гадоў.

Падставай для завядзення крымінальных спраў паслужыла праверка дзейнасці Расавіяцыі па дзяржаўнай рэгістрацыі грамадзянскіх паветраных судоў і вядзенні адпаведнага рэестра. Мінтранс правёў яе летась у ліпені. У выніку высветлілася, што пасля пачатку вайны супрацоўнікі агенцтва незаконна здымалі з рэгістрацыі самалёты і верталёты.

Некалькі незаконна знятых з рэгістрацыі і вывезеных за межы Расіі бартоў сталі аказваць садзейнічанне Украіне падчас вайны, паведаміў адзін з суразмоўцаў «Известий», блізкіх да праваахоўных органаў.

Паводле яго слоў, размова ідзе аб самалётах Іл-76 і верталётах Мі-8. Тры верталёты бралі ўдзел у вайне на баку праціўніка, а Іл-76 рабілі рэйсы з выключанымі прыборамі. Практыка адключэння адказчыкаў на борце дазваляе хаваць інфармацыю аб маршрутах, па якіх борт перавозіць грузы, такія палёты не бачныя, напрыклад, на FlightRadar24.

Іл-76 гэта самалёт, які мае стратэгічнае значэнне падчас узброеных канфліктаў, лічыць былы вайсковы пілот і экс-намеснік міністра грамадзянскай авіяцыі Алег Смірноў. У яго вялікая далёкасць палёту, і нават калі ён эксплуатуецца грамадзянскай авіякампаніяй, яго можна хутка пераабсталяваць пад перакідванне велізарнай колькасці грузаў ваеннага прызначэння і сотняў салдат.

— Продаж такога віду транспарту, здольнага хутка здзяйсняць дастаўкі ў любую кропку зямнога шара ўзбраення і салдат, вядома, трэба абмежаваць — альбо на нейкі час, альбо ў канкрэтныя краіны, асабліва недружалюбныя, якія могуць выкарыстоўваць яго ў інтарэсах Украіны, — заявіў Алег Смірноў «Известиям». — Калі гэта яшчэ не зрабілі, то гэта вялікі недагляд.

Каментары1

  • яя
    12.02.2024
    Прелестно! Главная скрепа путинской "государственности" - корыстолюбие, бъёт его по лбу.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць