48,8 градуса паводле шкалы Цэльсія.
Фота: Mlenny / Getty Images
Сусветная метэаралагічная арганізацыя афіцыйна пацвердзіла тэмпературны рэкорд для кантынентальнай Еўропы. Ён склаў 48,8 °С і быў зарэгістраваны ў горадзе Сіракузы на востраве Сіцылія (Італія) 11 жніўня 2021 года, піша «Еўрапульс».
На пацвярджэнне рэкорду ў спецыялістаў спатрэбілася 3 гады. Яны правялі дэтальную праверку і пераканаліся ў правільнасці даных, атрыманых мясцовай метэаралагічнай станцыяй.
Папярэдні тэмпературны рэкорд у Еўропе быў зафіксаваны 10 ліпеня 1977 года ў Афінах. Тады тэрмометры паказалі 48°С. Аднак гэтыя звесткі яшчэ не пацвярджаліся незалежнымі ацэнкамі.
Каментары