Чацвёра дзяцей у Оршы былі задушаныя. Пракуратура выступіла з заяваю
Шасцёра дзяцей раслі ў няпоўнай сям'і, у студзені сям'ю прызналі сацыяльна небяспечнай, распавяла пракуратура. Прычыны ўчынку маці, якую падазраюць у гэтым забойстве, не назвалі.
Паведамленне пра тое, што ў адной з кватэр у Оршы знаходзяцца трупы малалетніх, паступіла ў міліцыю ад сацыяльнага педагога ўвечары 14 лютага, распавяла пракуратура.
На месцы следча-аператыўная група выявіла целы чацвярых дзяцей ва ўзросце ад года да 8 гадоў з прыкметамі задушэння.
Па падазрэнні ў здзяйсненні злачынства затрыманая 36-гадовая маці гэтых дзяцей.
Паводле пракуратуры, дзеці выхоўваліся ў шматдзетнай няпоўнай сям'і. У іх былі розныя бацькі, якія не жылі з імі.
Раней у дачыненні да сям'і тройчы праводзіліся сацыяльнае расследаванне. Па выніках апошняга ў студзені было прызнана, што ўсе шасцёра дзяцей знаходзяцца ў сацыяльна небяспечным становішчы: бацькі не задавольвалі іх асноўныя жыццёвыя патрэбы, не выконвалі рэкамендацыі медыцынскіх работнікаў, у доме сістэматычна адсутнічала ежа для дзяцей, пры гэтым іх бацькі вялі амаральны лад жыцця, паведамляе пракуратура.
Адзін з бацькоў раней быў накіраваны ў лячэбна-працоўны прафілакторый.
Узбуджаная крымінальная справа аб забойстве заведама малалетніх.
Учора ўвечары СК паведаміў, што ў Оршы ў кватэры знайшлі целы чатырох забітых малых дзяцей.
Адзін з прапагандысцкіх тэлеграм-каналаў паведаміў, што жанчына вырашыла не аддаваць дзяцей органам сацапекі, таму забіла іх. Сама яна нібыта хацела здзейсніць суіцыд, але беспаспяхова.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім5
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары