Служба бяспекі Украіны сабрала доказную базу і паведаміла пра завочнае падазрэнне спявачцы і былой сябры «Партыі рэгіёнаў» Таісіі Павалій за калабарацыйную дзейнасць і падтрымку ўзброенай агрэсіі Расіі супраць Украіны.
«Служба бяспекі сабрала доказную базу на спявачку і былога народнага дэпутата Таісію Павалій, якая апраўдвае агрэсіўную вайну РФ супраць Украіны. Напярэдадні поўнамаштабнага ўварвання РФ яна выехала ў краіну-агрэсар, дзе атрымала расійскае грамадзянства і публічна падтрымала Крэмль», — гаворыцца ў пастанове.
Паведамляецца, што падчас інтэрв'ю маскоўскаму інтэрнэт-выданню Павалій усхваляла Уладзіміра Пуціна і заклікала да захопу ўсёй тэрыторыі Украіны. Таксама яна спрабавала дыскрэдытаваць украінскіх абаронцаў, якія прымалі ўдзел у баях за Кіеў.
Па даных СБУ, акрамя таго ў верасні 2023 года Павалій па запрашэнні кіраўніка акупаванай Луганшчыны Леаніда Пасечніка выступіла на канцэрце ў Луганску.
Са сцэны Павалій выказалася ў падтрымку расійскіх захопнікаў і гераізавала іх удзел у вайне супраць Украіны.
Ініцыяваная СБУ экспертыза пацвердзіла факты падрыўной дзейнасці на карысць Расіі.
На падставе сабраных доказаў следчыя Службы бяспекі завочна паведамілі спявачцы аб падазрэнні па трох артыкулах Крымінальнага кодэкса Украіны: калабарацыйная дзейнасць; публічныя заклікі да агрэсіўнай вайны; апраўданне, прызнанне правамернай узброенай агрэсіі РФ супраць Украіны.
***
У заканадаўстве Украіны падазрэнне (підозра) у крымінальным працэсе — фармальнае сцвярджэнне (здагадка) упаўнаважаных праваахоўных органаў аб дачыненні згаданай асобы да злачынства, заснаванае на неканчатковых (няпоўных, прамежкавых) выніках расследавання.
Крымінальны пераслед канкрэтнай асобы пачынаецца менавіта з часу абвяшчэння падазрэння ў той форме, як гэта прадугледжана заканадаўствам адпаведнай краіны.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары
Цікава, якім будзе фінал гэтай калабаранткі.