Дзве парафіі Беларускай аўтакефальнай праваслаўнай царквы пераходзяць на новаюліянскі каляндар
Першаіерарх Беларускай аўтакефальнай праваслаўнай царквы архіяпіскап Святаслаў Логін паведаміў Радыё Свабода, што ад заўтра, 25 лютага 2024 года, дзве парафіі ягонай царквы ў ЗША пераходзяць на новаюліянскі каляндар.
Дзве парафіі, якія вырашылі перайсці на новаюліянскі каляндар, — гэта парафіі Катэдральнага сабора святога Кірылы Тураўскага ў Брукліне (Нью-Ёрк, ЗША) і Жыровіцкае іконы Божае Маці ў Гайлэнд-Парку (Нью-Джэрсі, ЗША).
Дагэтуль абедзве парафіі прытрымліваліся юліянскага календара, хоць Амерыканская праваслаўная царква, якая атрымала ў 1970 годзе незалежнасць ад Рускай праваслаўнай царквы, пераважна трымаюцца новаюліянскага календара.
Вернікі, якія не захочуць браць удзел у набажэнствах паводле новаюліянскага календара, маюць права перайсці ў тыя парафіі БАПЦ, якія застануцца на старым календары.
Паводле першаіерарха БАПЦ, кожная парафія можа вызначыць, ці пераходзіць ёй на новае летазлічэнне — для гэтага трэба мець не звычайную большасць (як пры галасаванні па адміністрацыйных царкоўных пытаннях), а пераважную большасць вернікаў. Паводле архіепіскапа Логіна, гэта робіцца для таго, каб унікнуць расколу сярод парафіянаў альбо адыходу вернікаў з БАПЦ.
Пры прыняцці гэтага рашэння было ўлічана тое, што беларускія праваслаўныя вернікі з Нью-Ёрку і яго наваколля пры патрэбе могуць наведваць парафію БАПЦ у Квінсе (таксама ў Нью-Ёрку), якая вядзе набажэнствы паводле старога стылю.
Таксама і ў штаце Нью-Джэрсі побач з парафіяй у Гайлэнд-Парку ёсць беларуская праваслаўная парафія Сусветнага патрыярхату ў горадзе Саўт-Рывер, якая таксама трымаецца юліянскага календара.
На сённяшні дзень большасць памесных праваслаўных цэркваў перайшлі на новаюліянскі праваслаўны каляндар, у якім нерухомыя святы адзначаюцца паводле новага стылю, а рухомыя, такія як Вялікдзень, паводле старой пасхаліі.
На старым юліянскім календары засталіся наступныя праваслаўныя цэрквы свету: Ерусалімская, Руская (у тым ліку Беларускі экзархат Маскоўскага патрыярхата), Сербская і Польская.
Летась на новаюліянскі каляндар перайшла наваствораная беларуская праваслаўная парафія Сусьветнага патрыярхату ў Вільні.
27 лістапада 2023 года адбылася сустрэча першаіерарха БАПЦ архіепіскапа Святаслава Логіна з Канстанцінопальскім патрыярхам Варфаламеем у рэзідэнцыі Сусветнага патрыярхата ў Стамбуле (Турцыя).
У 2023 годзе на новаюліянскі каляндар перайшлі аўтакефальная Праваслаўная царква Украіны і Украінская грэка-каталіцкая царква.
-
Ультраправыя прывезлі ў Вену ўласную скульптуру Яна III Сабескага. Горад адмаўляецца ставіць афіцыйны помнік свайму вызваліцелю з-за страху ісламафобіі
-
Пышная «Лэдзі ў сінім». Скульптура чарнаскурай жанчыны на Трафальгарскай плошчы падзяліла мастацкіх крытыкаў
-
У фонд Музея Марка Шагала ў Віцебску ўпершыню паступілі работы Восіпа Цадкіна
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс21
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1717
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі17
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары