У Браслаўскім раёне пасля перарэгістрацыі засталося 5 аграсядзіб з 300
У Дубровенскім і Талачынскім раёнах — ніводнай.
Пасля абавязковай перарэгістрацыі аграсядзіб у Браслаўскім раёне засталося 5 аграсядзіб з 300, а ў Дубровенскім і Талачынскім раёнах — ніводнай. Пра гэта заявіла Вольга Фёдарава, галоўны спецыяліст сектара турызму і фізкультурна-аздараўленчай работы ўпраўлення спорту і турызму Віцебскага аблвыканкама ў праекце БелТА, піша Reform.by.
Фёдарава адзначыла, што асноўныя прэтэнзіі да ўладальнікаў аграсядзіб заключаліся ў тым, што іх дзейнасць ператварылася ў здачу жылля ў наём.
«У Віцебскай вобласці было вельмі шмат аграэкасядзіб. Асноўная маса прыходзілася на Браслаўскі раён — там было 300 аграэкасядзіб, а пры перарэгістрацыі засталося толькі пяць. Далей мы іх не кантралюем», — заявіла чыноўніца.
Для перарэгістрацыі сядзібы наведвала спецыяльная камісія, якая фіксавала парушэнні заканадаўства.
«У кагосьці былі пытанні па гігіене, бо вызначаны шэраг новых патрабаванняў. Нават калі ў іх устаноўлена мангальная зона, то па новых патрабаваннях павінна быць абавязкова і праточная вада, а раней такая дзейнасць магла ажыццяўляцца ў доме, на хутары, і іх не правяралі», — сказала Фёдарава.
Прадстаўніца аблвыканкама не лічыць змяншэнне колькасці аграсядзіб праблемай.
«І гэта вялікі плюс, што ў нас засталіся найлепшыя з найлепшых сядзіб, якія працуюць па вузкай спецыялізацыі», — заявіла Фёдарава.
Зараз у Віцебскай вобласці зарэгістравана 162 аграэкасядзібы. Больш за ўсё іх засталося ў Глыбоцкім раёне — 32. У Дубровенскім і Талачынскім раёнах няма ніводнай сядзібы.
На пачатак 2023 года ў Беларусі налічвалася 3043 аграсядзібы. Па даных на снежань 2023 года, перарэгістрацыю прайшлі 1297. Таксама было зарэгістравана 170 новых аграсядзіб.
Больш за палову беларускіх аграсядзіб не прайшлі перарэгістрацыю
У беларускай аграсядзібе прапануюць купанне ў глінтвейне
Затрыманую падчас «хапуну» на аграсядзібе «Стулы» звольнілі з працы
«Не хапіла майго жыцця, каб нешта самавітае зрабіць». Фермер расказаў, ці можна ў Беларусі разбагацець, гадуючы авечак
«Лічу сябе самым шчаслівым чалавекам на зямлі». Як жыве жанчына пасярод балота
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары