Reuters: Іран папярэджваў расійскія спецслужбы пра падрыхтоўку нападу на «Крокус»
Іранскія сілавікі атрымалі гэтую інфармацыю падчас допытаў арыштаваных у сувязі з выбухамі ў Іране 3 студзеня.
Іранскія ўлады папярэджвалі Маскву аб тым, што ІДІЛ-К («Вілаят Харасан») рыхтуе атаку ў сталіцы. Аб гэтым паведамляе Reuters са спасылкай на крыніцы.
Па словах аднаго з суразмоўцаў агенцтва, іранскія сілавікі атрымалі гэтую інфармацыю падчас допытаў арыштаваных у сувязі з выбухамі ў Іране 3 студзеня. Тады ў выніку тэракту ў Кермане на цырымоніі з нагоды гадавіны забойства генерала Касема Сулеймані загінулі 94 чалавекі. Адказнасць на сябе ўзяла ІДІЛ-К. 19 студзеня спецслужбы Ірана заявілі пра арышт камандзіра філіяла ІДІЛ-К, які базуецца ў Афганістане.
«Яны [члены ІДІЛ-К] атрымалі інструкцыі па падрыхтоўцы да буйной аперацыі ў Расіі… Адзін з [арыштаваных у Іране] тэрарыстаў сказаў, што некаторыя члены групы ўжо адправіліся ў Расію», — паведаміла другая крыніца Reuters.
Па даных агенцтва, афіцыйны Тэгеран спрабуе высветліць ва ўладаў Таджыкістана, якія меры супрацьдзеяння ІДІЛ там прымаюць.
Расійскія ўлады па-ранейшаму называюць галоўным вінаватым у тэракту ў «Крокусе» Украіну.
Цяпер чытаюць
Анжаліку Мельнікаву бачылі ў Мінску ў «Дана Моле»7
Каментары