Паміж Мінскам і Масквой хочуць пусціць чартарныя цягнікі, каб расейцам ездзіць на карпаратывы
У Беларусі лічаць, што гэта выгадная прапанова.
Пытанне запуску паміж дзвюма сталіцамі чартарнай «Ластаўкі» абмяркоўваюць Рэспубліканскі саюз турыстычнай індустрыі і Расійская чыгунка.
Старшыня праўлення РСТІ Філіп Гулы расказаў, што бізнэс вельмі зацікаўлены ў такой ідэі. Паводле яго слоў, беларускі бок мае дастаткова канкурэнтную прапанову. Гулы спадзяецца, што канкрэтыка па гэтым пытанні з'явіцца ў пачатку лета, паведамляе Myfin.
Кіраўнік РСЦІ мяркуе, што запуск чартарнага хуткаснага цягніка дапаможа развязаць лагістычныя праблемы расійскім кампаніям, якія арганізуюць у Беларусі карпаратывы на некалькі сотняў чалавек.
Заказваць пералёт для такой колькасць людзей дорага, а запуск чартарнага цягніка дапаможа расійскім кампаніям ашчадзіць грошы. Па падліках Гулага, адзін дадатковы цягнік «Ластаўка» можа перавезці 900 чалавек.
Каментары