У Мінску вайсковы бронеаўтамабіль Dajiang сутыкнуўся з «Яндэкс.Таксі»
Днём 11 красавіка ў Мінску ваенны ўседарожнік Dajiang сутыкнуўся з аўтамабілем «Яндэкс.Таксі». Фота здарэння зʼявіліся ў сеціве, заўважыла «Люстэрка».
Паведамляецца, што аварыя адбылася на скрыжаванні Лагойскага тракта і вуліцы Валгаградскай. Мяркуючы па фота, Skoda і бронеаўтамабіль сутыкнуліся ў другой-трэцяй палосах. Рух у раёне ДТЗ з затрымкай.
Афіцыйнай інфармацыі аб гэтым ДТЗ пакуль няма.
Лёгкія браняваныя машыны CS/VN3 Dajiang («Цмок») былі прыняты на ўзбраенне беларускага войска ў 2017 годзе. Яны праходзілі доследную эксплуатацыю ў батальёне аховы 361-й базы, прымалі ў тым ліку ўдзел у вучэннях «Захад-2017».
Пасля доследнай эксплуатацыі ў Беларусі браневікі былі дапрацаваныя. Змены закранулі платформу пад узбраенне, сістэму вентыляцыі паветра, кіраванне лябёдкай і эрганоміку вадзіцельскага месца. Бронеаўтамабілі маюць колавую формулу 4×4. У кожным браневіку можа размяшчацца да дзевяці вайскоўцаў у поўнай баявой экіпіроўцы і вадзіцель.
Цалкам зварны корпус са сталёвай брані забяспечвае абарону чацвёртага класа, здольную вытрымаць агонь са стралковай зброі і траплянне аскепкаў. Маса падрыхтаванага браневіка — 8700 кілаграмаў.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары