Польшча патлумачыла забарону на ўвоз аўтамабіляў на транзітных нумарах у Беларусь
Беларусь разглядаецца як «краіна высокай рызыкі».
У канцы сакавіка Польшча раптоўна забараніла ўвозіць у Беларусь аўтамабілі на транзітных нумарах з аб'ёмам рухавіка больш за 1,9 літра. Чым выкліканая такая забарона, як яна будзе дзейнічаць і на каго распаўсюджвацца — нічога з гэтага польскія ўлады не паведамілі. Але вось што на запыт Deutsche Welle адказалі ў Міністэрстве фінансаў Польшчы.
Уведзеную забарону там назвалі «эфектыўнымі мерамі па выкараненні практыкі абыходу санкцый». Як можна зразумець з афіцыйнага адказу, Беларусь разглядаецца як «краіна высокай рызыкі», вядомая тым, што дапамагае абыходзіць санкцыі. У ведамстве спаслаліся на рэгламент Рады ЕС ад 2014 года, які забараняе «свядомы і наўмысны ўдзел у дзейнасці» па абыходзе санкцыйных абмежаванняў. Неабходнасць даваць на мяжы даведку ад вытворцы аўтамабіля тлумачаць патрабаваннямі мытнага кодэкса.
DW таксама прасіла адказаць, чаму забарона распаўсюджваецца менавіта на аўтамабілі з аб'ёмам рухавіка больш за 1,9 літра, па якой прычыне гэтая мера ўводзіцца менавіта зараз і закранае толькі экспарт у Расію. Падрабязнасці па гэтых пытаннях польскія ўлады не паведамілі.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары