У нас зноў стаіць выбар паміж Украінай як незалежнай самастойнай дзяржавай і вяртаннем у цёмнае мінулае,– заявіла кандыдат у прэзідэнты на сходзе ў Львове.
Прэм'ер-міністр Украіны Юлія Цімашэнка заявіла, што хацела б быць удзельнікам фармацый Сечавых стральцоў, якія вялі баі з бальшавіцкімі і польскімі войскамі ў 1918-1919 гг., баронячы Украінскую Народную Рэспубліку.
Пра гэта Юлія Цімашэнка заявіла падчас урачыстага сходу з нагоды Дня саборнасці Украіны ў Львове.
«Я прашу вас дапамагчы мне не прайграць менавіта гэты галоўны важны бой менавіта гэтых прэзідэнцкіх выбараў. Я ніколі не падвяду ні вас, ні Украіну, ні нашу будучыню, якую мы бачым аднолькава», – сказала яна.
Цімашэнка заявіла, што гэтыя выбары з'яўляюцца вырашальнымі для Украіны:
«У нас зноў стаіць выбар паміж Украінай як незалежнай самастойнай дзяржавай і як альтэрнатыва гэтаму – вяртанне ў цёмнае глухое мінулае, якое несумяшчальна з нармальным развіццём краіны».
Яна сказала, што з моманту яе прыходу ў палітыку яна служыць Украіне «ўсім сэрцам і ўсімі сіламі».
Калі я ўпершыню прыехала ў Львоў больш за 10 гадоў таму, я сказала:«Калі б я жыла ў 1918-1919 гадах, я абавязкова была б сярод сечавых стральцоў, бо там была сапраўдная барацьба за свабоду і славу Украіны».
Цімашэнка дадала, што выступае за захаванне статусу ўкраінскага мовы як адзінай дзяржаўнай.
«Для мяне з'яўляецца святой украінская мова», – сказала яна.
Таксама Цімашэнка заявіла ў пятніцу, што ва Украіне
не могуць знаходзіцца войскі замежных дзяржаў.
Нагадаем, што ў другім туры прэзідэнцкіх выбараў ва Украіне, што пройдзе 7 лютага, Юліі Цімашэнцы будзе супрацьстаяць Віктар Януковіч, які ў першым туры набраў на 10% галасоў больш.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары