Жыхара Магілёва асудзілі да двух гадоў калоніі за каментар пад фота Лукашэнкі
7 сакавіка ў судзе Кастрычніцкага раёна Магілёва вынесены прысуд Паўлу Макаранку.
Яго прызналі вінаватым паводле арт. 368 КК (абраза Лукашэнкі) і асудзілі да 2 гадоў пазбаўлення волі ў калоніі ва ўмовах агульнага рэжыму. Прысуд агучыла суддзя Юлія Арахоўская.
Яго асудзілі за тое, што ў жніўні 2021 года ён пакінуў каментар пад выявай Лукашэнкі ў адной з груп у тэлеграме.
У ім нібыта ўтрымлівалася негатыўная ацэнка Лукашэнкі, абвінавачанне вырашыла, што гэтым Макаранка «публічна ў зневажальнай форме выказаў сваю негатыўную ацэнку асобы».
Мужчына не прызнаў віну, піша «Вясна».
Каментары