Вылечыў пералом нагі за дзень. Дзіўныя метамарфозы мэра Калінкавіч
Старшыня Калінкавіцкага райвыканкама Сяргей Гвоздзь за тры дні пабываў у статусе затрыманага, хворага і ачунялага. Чуткі пра затрыманне чыноўніка абмяркоўвалі работнікі дзяржструктур на выходных, паведамляе «Флагшток».
У панядзелак, 20 мая, супрацоўнікам выканкама паведамілі, што Гвоздзь зламаў нагу і пайшоў на бальнічны, таму на працы ў найбліжэйшы час ён не з'явіцца.
21 мая журналісты датэлефанаваліся ў прыёмную старшыні райвыканкама. Там ім паведамілі, што Гвоздзь ужо ачуняў і выйшаў на працу, ён гатовы прыняць грамадзян 22 мая.
Праблемы ў чыноўніка пачаліся пасля візіту ў раён 17 мая памочніка Лукашэнкі Юрыя Горлава. На фота з нарады Гвоздзь выглядае здаровым, ніякіх прыкмет пералому нагі ў яго не відаць.
Сяргей Гвоздзь кіруе раёнам з 2018 года.
Каментары