Кніга расказвае пра ўдзел беларусаў у рэгулярных фармаваннях Польскага Войска ў перыяд польска-савецкай вайны, міжваенны час, у гады Другой сусветнай вайны і крыху пасля яе заканчэння.
Гэтае выданне — вынік шматгадовай працы ў архівах Польшчы, Беларусі, Вялікабрытаніі, Нямеччыны, Літвы, Канады і Расіі. Аўтар асвятляе адзін з найбольш трагічных і складаных перыядаў у гісторыі беларусаў і палякаў, паказвае сапраўднае баявое братэрства, змацаванае крывёй абодвух народаў.
Гісторык засяродзіў увагу на такіх аспектах, як стаўленне польскіх грамадзян беларускай нацыянальнасці да выканання жаўнерскага абавязку, палітыка польскіх улад да вайскоўцаў-беларусаў, іх удзел у баявых дзеяннях на тэрыторыі Польшчы, Беларусі, Італіі, Францыі, Галандыі, Бельгіі, Нямеччыны, Брытаніі, Нарвегіі, Паўночнай Афрыкі, на Атлантычным акіяне. Ён даследуе таксама пасляваенны лёс гэтых людзей.
Кніга прысвечаная дзясяткам тысяч беларусаў, якія ахвярна змагаліся ў польскіх вайсковых мундзірах, аднак працяглы час былі забытымі на бацькаўшчыне.
Прэзентацыя кнігі адбудзецца ў Варшаве 28 траўня.
Чытайце таксама:
Выйшла новая кніга Максіма Знака «Зэкамерон. Вершы. Гутаркі»
