«Сцягі — не выцвілыя і не патрапаныя». Мінадукацыі падрыхтавала «патрыятычныя» метадычкі для работы са школьнікамі і іх бацькамі
Мінадукацыі разаслала ва ўпраўленні па адукацыі аблвыканкамаў ліст, у якім распавяло пра тое, як рэкамендуе «прышчапляць у навучэнскай моладзі павагу да дзяржсімвалаў».
Тэкст ліста аб'яднанне экс-сілавікоў «Белпол» прадаставіла «Медыязоне». Так, сярод іншага, працаваць Міністэрства адукацыі прапануе не толькі са школьнікамі, але і з дашкольнікамі, а яшчэ — іх бацькамі.
Сярод рэкамендацый Міністэрства адукацыі — працягнуць размяшчаць у школах і іншых установах адукацыі дзяржаўныя сцягі і гербы, але «ў эстэтычна аформленых месцах, удалечыні ад памяшканняў гаспадарча-бытавога і тэхнічнага прызначэння».
Выкарыстоўваць трэба толькі сцягі не выцвілыя і не патрапаныя, а калі сцяг стаў непрыдатным, яго рэкамендуюць «непублічна знішчыць».
Таксама Міністэрства адукацыі рэкамендуе пры прыёме ў піянерскую арганізацыю або БРСМ «праводзіць цырымонію ўшанавання дзяржсімвалаў з прынясеннем клятвы на вернасць ім».
Ва ўстановы адукацыі, у тым ліку і дашкольныя, рэкамендуецца купіць цацкі і настольныя гульні, якія б «фармавалі ў дзяцей павагу да дзяржаўных сімвалаў з ранняга ўзросту».
«Прома-прадукцыю» з дзяржаўнымі сімваламі Мінадукацыі прапануе дарыць вучням за поспехі ў вучобе. Падарункі міністэрства таксама прапануе рабіць у працоўных калектывах — маладым, у гонар прызыву ў войска, за дасягненні «высокіх працоўных паказчыкаў».
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары
Ня лічыце? Ну і не рыпіце талы