Дарожна-транспартнае здарэнне адбылося ў панядзелак на вуліцы Коўзана.
![](http://nnexpictures.fra1.digitaloceanspaces.com/img/w732d4webp1/photos/z_2024_06/f5aa0debd440c1339af8e7e97e6fb562-2jo8u.jpg.webp)
«38-гадовы кіроўца Opel, рухаючыся па жылой зоне, наехаў на 52-гадовага мужчыну, які ішоў па абочыне ў спадарожным кірунку. У выніку ДТЗ пешаход ад атрыманых траўмаў памёр. Кіроўца з месца здарэння ўцёк, аднак быў хутка затрыманы», — паведамлялася ў міліцэйскай зводцы.
![](http://nnexpictures.fra1.digitaloceanspaces.com/img/w732d4webp1/photos/z_2024_06/7d679115567e2f9ef55b1015f948923a-ulpmy.jpg.webp)
Вельмі хутка высветлілася, што пад колы аўто трапіў вядомы мясцовы доктар Сяргей Нікіцін, піша komkur.info.
Сяргей Генадзевіч працаваў доктарам-рэнтгенолагам (в.а. загадчыка) аддзялення прамянёвай дыягностыкі ў Бабруйскім міжраённым анкалагічным дыспансеры (БМАД). Таксама працаваў у медыцынскім цэнтры «Тары».
Карыстальнікі сацсетак выказваюць словы смутку і спачуванні.
«Загінуў добры чалавек, выдатны доктар і загадчык аддзялення прамянёвай дыягностыкі ў «БМАД». Зямля вам пухам, паважаны Сяргей Генадзевіч, і царства нябеснае! Ад усяго калектыву самыя глыбокія спачуванні родным і блізкім загінулага. …гэта жудасная страта для ўсяго горада».
«Гэта жудасна, гэта быў найлепшы доктар-анколаг у Бабруйску. Хай зямля будзе пухам».
«Вельмі сумна для ўсяго горада, страціць такога чалавека, доктара-спецыяліста. Спачуванне сям'і».
«Самыя глыбокія спачуванні родным і блізкім. Зямля вам пухам дарагі Сяргей Генадзевіч. Вы былі адным з найлепшых. Вялікія надзеі, што вінаваты будзе пакараны па ўсёй строгасці закона».
Каментары