Прыхільнікі Тэйлар Свіфт скаланулі Зямлю на яе канцэрце ў Шатландыі. У літаральным сэнсе
Станцыі маніторынгу зафіксавалі сейсмічную актыўнасць, якая адчувалася на адлегласці 6 км ад месца правядзення канцэрта.
Амерыканская поп-зорка Тэйлар Свіфт у мінулыя выходныя дала тры канцэрты ў Эдынбургу, дзе зноў, як і год таму, зрабіла невялікі землятрус, піша Бі-бі-сі.
Строга кажучы, ваганні зямной паверхні зладзілі фанаты спявачкі, але не без яе ўдзелу: яна актыўна заклікала іх танцаваць і тупаць.
У выніку станцыі маніторынгу зафіксавалі сейсмічную актыўнасць, якая адчувалася на адлегласці 6 км ад месца правядзення канцэрта.
Самы вялікі пярэпалах прыхільнікі спявачкі зладзілі падчас выканання трох песень: Cruel Summer, Ready For It? і Champagne Problems.
Першы з трох канцэртаў у Эдынбургу ў пятніцу, які сабраў 73 тысячы гледачоў, аказаўся самым энергічным: фанаты штурхалі Зямлю з максімальным момантам сілы ў 23,4 Ньютан-метра — трохі мацней, чым у суботу і нядзелю, 22,8 Н·м і 23,3 Н·м адпаведна.
Сейсмічная актыўнасць дасягнула піку падчас выканання Ready For It? — паводле ацэнак, танцуючыя выпрацавалі каля 80 кВт энергіі, што эквівалентна прыкладна 6000 аўтамабільных акумулятараў.
У асноўным сейсмічную актыўнасць выклікала тупанне ног, але датчыкі зрэагавалі і на апладысменты пасля выканання Champagne Problems, што доўжыліся чатыры хвіліны.
Фанаты спявачкі не ў першы раз скалынаюць Зямлю: падчас гастроляў Свіфт у Сіэтле і Лос-Анджэлесе таксама былі зарэгістраваныя сейсмічныя ваганні, прычым канцэрт у Сіэтле выклікаў актыўнасць, эквівалентную землятрусу магнітудай 2,3.
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»21
Каментары