21 чэрвеня Аляксандр Лукашэнка паехаў у Дзяржынск урачыста адкрываць фізкультурна-аздараўленчы комплекс «Алімп». Там ён сфатаграфаваўся з футбалістамі-ветэранамі на фоне мурала з выявай спартсменаў. Адна з гераінь графіці падобная да Ціханоўскай, звярнула ўвагу «Люстэрка».
![](http://nnexpictures.fra1.digitaloceanspaces.com/img/w732d4webp1/photos/z_2024_06/photo_2024-06-21_12-29-45-6seut.jpg.webp)
Аўтар графіці ў новым спарткомплексе адлюстраваў валейбаліста, футбаліста, лёгкаатлета, тэнісістку і баксёрку. У вобразе апошняй некаторыя карыстальнікі і ўбачылі падабенства з лідаркай дэмакратычнай Беларусі Святланай Ціханоўскай.
У ДЮСШ, куды журналістка «Люстэрка» патэлефанавала як жыхарка райцэнтра, запэўнілі, што на мурале «няма ніякай Ціханоўскай».
![](http://nnexpictures.fra1.digitaloceanspaces.com/img/w732d4webp1/photos/z_2024_06/dzerzhinsk_tikhanovskaya_ili_net_2024_1-w1fbi.jpg.webp)
Комплекс «Алімп» у Дзяржынску пачалі будаваць у красавіку 2022 года. На работы і абсталяванне выдзелілі 24,3 млн рублёў.
Каментары
украўшыузяўшы ёй на дарогу даў. на кофе з булачкай у прыдарожным кафэ