Кіно55

Беларус у Нью-Ёрку зняўся ў цэлым сезоне серыяла. Колькі ж атрымалася зарабіць?

Беларус Сяргей Цітоў жыве ў ЗША і час ад часу здымаецца ў эпізадычных ролях у кіно. Ён распавёў у тыктоку, што нядаўна зняўся ў цэлым сезоне серыяла.

Сяргей Цітоў. Скрыншот відэа ў яго тыктоку

Сяргей расказаў, што быў, як кажуць амерыканскія кіношнікі, «рэг’юларам». Гэта людзі, якія эпізадычна з’яўляюцца ў кадры на працягу ўсяго сезона, а то і некалькіх. Яны не робяць нічога незвычайнага, а фактычна ствараюць фон для галоўных герояў.

— Напрыклад, вы глядзіце серыял «Дэкстар». І там у паліцэйскім участку сядзяць нейкія паліцэйскія. Звычайна гэта будуць адныя і тыя ж людзі ва ўсіх серыях.

@serge.titovv Replying to @Бакыт Молдожанов #кино #голливуд #актер #массовка #работавсша #америка #иммиграциявсша ♬ original sound - Серега Иммигрант

Гэта патрэбна для таго, каб гледачы адчувалі звязанасць серый. Такіх акцёраў масоўкі яшчэ называюць па-ангельску core (ядро). Трапіць у «ядро» — вялікі поспех, бо гэта гарантуе шмат працы. А калі серыял расцягваецца на некалькі сезонаў — увогуле цудоўна.

Назву серыяла Сяргей не агучвае, але кажа, што, на жаль, сезон там запланаваны толькі адзін, бо здымалі яго па кнізе. Усяго ў мужчыны атрымалася 14 здымачных дзён, у сярэднім беларус зарабляў па $233 за дзень.

Пры гэтым у іншых праектах за здымачны дзень, бывае, плацяць і па 300, 400, 500 даляраў. Сяргей тлумачыць, чаму ў гэтым серыяле меней:

— Яны здымалі ўсё па плане, не выходзілі ў звышурочныя, не пераплачвалі людзям. І ўвогуле, некалькі дзён мы прыходзілі на здымачную пляцоўку а 10-й раніцы і сыходзілі а 2-й гадзіне дня, таму што ўсё было знята.

Сяргей удакладніў, што яго 14 здымачных дзён расцягнуліся на некалькі месяцаў.

— Усяго я зарабіў $3262 за здымкі ў сезоне серыяла. Нармальна? Досвед быў цікавы.

У іншым відэа Сяргей распавядаў, колькі зарабіў, калі быў тым самым «фонавым» паліцэйскім — здымачны дзень доўжыўся 12 гадзін, большую частку з якіх мужчына проста сядзеў ці стаяў у кадры ў форме.

— Базавая стаўка: 8 гадзін — $216. Пасля яшчэ дзве гадзіны па стаўцы $41,61 за гадзіну (усяго $83). З 10-й да 12-й гадзіны аплата ўжо $55 за гадзіну. За тое, што я прыйшоў са сваёй паліцэйскай формай, мне даплацілі $36 даляраў (акупіў фуражку, яна каштавала $33). На здымках ішоў дождж — за гэта даплацілі $16,5, яшчэ столькі ж даплацілі за тое, што на пляцоўцы выкарыстоўвалі дым і былі выбухі.

І праз тое, што мяне паднялі раніцай (гэта быў тэрміновы выклік на здымачную пляцоўку), мне налічылі $6,66. Усяго я атрымаў 436 даляраў 71 цэнт.

Раней «Нашай Ніве» пра сваю працу ў масоўцы распавядаў беларус Сяргей Ульянаў, які нядаўна атрымаў у ЗША палітычны прытулак. Сяргей здымаўся ў якасці гледача ў навагоднім канцэрце Rockin’Eve with Ryan Seacrest, які паказвалі ў ЗША ў ноч з 31 снежня на 1 студзеня.

Сяргей Ульянаў стаў зоркай тыктоку, праспяваўшы ў ЗША песню «Гісторыя майго жыцця» гурта NaviBand

— Гэта канцэрт з прамымі ўключэннямі з розных рэгіёнаў ЗША са сваімі выступоўцамі. У Лос-Анжэлесе гэта былі Ellie Goulding, 30 seconds to Mars, Aqua, Greed Day і іншыя. Здымкі ў ім у якасці гледача сталі адной з маіх першых прац у Лос-Анжэлесе, — расказаў Сяргей Ульянаў. — За два дня здымак зарабіў каля $500 пасля выліку падаткаў.

@sabalenciaga Who is this overly enthused young man! Ill have what hes having … #reneerapp #tummyhurts #white #whiteboy #whiteboys #rnb #concert #enthusiasm #fyp #fypシ #foryou #foryoupage ♬ original sound - sabalenciaga

Каментары5

  • OMG!
    09.07.2024
    "два дня"
    3-ці клас?
    ******************
    У назоўным склоне множнага ліку назоўнікі маюць канчаткі -ы, -i.
    *
    Для назоўнікаў на -анiн, -янiн характэрны канчатак -е: грамадзянін — грамадзяне, селянін — сяляне.

    Некаторыя назоўнікі пры ўтварэньні множнага ліку зьмяняюцца і ў сваёй аснове: дзяўчына — дзяўчаты (АЛЕ! дзьве/тры дзяўчыны), неба — нябёсы, зерне — зярняты, цяля — цяляты, птушаня — птушаняты, кураня — кураняты.
  • Василий
    09.07.2024
    Зачем считать чужие деньги? Никогда не было понятно…немного бестактный заголовок
  • Огонек
    09.07.2024
    Василий, ну так к нему же не в кошелек залезли. Если человек сам говорит о своих доходах для сотен тысяч людей в тиктоке, значит, для него это ок тема. Странная у вас претензия

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →