Грамадства1515

«Хацеў бы выйсці — напісаў бы прашэнне». Лукашысты працягваюць спробы зламаць Пачобута

У тэлеграм-канале «Графач», звязаным з міністрам інфармацыі Маратам Маркавым, з’явілася рэпліка наконт палітзняволенага журналіста Анджэя Пачобута.

Андрэй Пачобут. Фота: sb.by

Аўтар згадвае калапс на беларуска-польскім грузавым пункце пропуску «Казловічы» і фактычна прызнае, што яго прычынай з’яўляецца сітуацыя з Пачобутам.

«Шмат хто кажа, ім, маўляў, патрэбны Пачобут, які адбывае пакаранне. За экстрэмісцкія артыкулы не прадугледжаная амністыя, а для памілавання трэба пісаць прашэнне. Такія законныя працэдуры. Хацеў бы выйсці — напісаў бы, а не ламаўся», — адзначае «Графач».

Ён прыходзіць да высновы, што адмова Пачобута пісаць прашэнне аб памілаванні — «наўмысная эскалацыя па загадзе польскіх куратараў».

Марат Маркаў у эфіры Беларусь-1

***

Анджэй Пачобут

Нарадзіўся ў 1973 годзе ў гарадскім пасёлку Вялікая Бераставіца Гродзенскай вобласці. Скончыў юрыдычны факультэт Гродзенскага дзяржаўнага ўніверсітэта імя Янкі Купалы (1998), працаваў выкладчыкам, а з 2002 года стаў займацца журналістыкай. 

У 1993 годзе разам з братам Стасам заснаваў панк-рок гурт Deviation.

З 2006 года з’яўляецца карэспандэнтам польскага выдання Gazeta Wyborcza, сябра Саюза палякаў Беларусі.

У ліпені 2011 года Пачобут быў прысуджаны да 3 гадоў пазбаўлення волі з адтэрміноўкай на 2 гады, суд апраўдаў журналіста па артыкуле за абразу Лукашэнкі, але прызнаў вінаватым у паклёпе. У той жа дзень яго вызвалілі пад падпіску аб нявыездзе.

Улетку 2012 года на Пачобута была заведзена яшчэ адна крымінальная справа (паўторнае абвінавачанне ў паклёпе на Лукашэнку). 30 чэрвеня 2012 года яго вызвалілі пад падпіску аб нявыездзе, а 15 сакавіка 2013 года крымінальная справа супраць журналіста была закрыта за адсутнасцю складу злачынства.

Затрыманы 25 сакавіка 2021 года. Гродзенскі абласны суд 8 лютага 2023 года асудзіў журналіста на 8 гадоў пазбаўлення волі ў калоніі ва ўмовах узмоцненага рэжыму па двух артыкулах КК: 361 (заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь) і 130 (распальванне варожасці ці варажнечы).

Каментары15

  • Владимир
    10.07.2024
    Что-то подсказывает, что как только подсчитают убытки семьи по сигаретам, сломается главный ненаклонный.
  • Беня
    10.07.2024
    А что, CEPA уже забыла своего старшего аналитика?
  • Этот
    10.07.2024
    Какой все таки негодяй, не хочет на коленях ползти. Унижение, лизоблюдство вот видимо основные качества которые в цене.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва64

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць