«Павінен выйсці Пачобут». Польскі міністр Сікорскі зноў загаварыў пра магчымае закрыццё мяжы для грузаў
Два патрабаванні Польшчы — вызваленне Анджэя Пачобута і спыненні правакацый з мігрантамі.
Міністр замежных спраў Польшчы Радаслаў Сікорскі заявіў, што не выключае ніякіх варыянтаў разгортвання падзей, адзначыўшы, што гаворка ідзе аб спыненні пропуску грузаў. На яго выступ у эфіры Radio Zet звярнуў увагу Reform.
«Беларусь пасылае нам сотні мігрантаў з расейскімі візамі, якія трапілі ў Расію з краін міграцыйнай пагрозы, для якіх раней Расія і Беларусь зняла абмежаванні. Гэта акцыя, якую ўключаюць і выключаюць. Ёсць такія месяцы, калі маем нуль мігрантаў, а потым раптам 300-400 чалавек штодня. Ад Беларусі залежыць, яна хоча мець лепшыя добрасуседскія адносіны з Польшчай або горшыя.
У нас ёсць асноўныя пастулаты: павінен выйсці Анджэй Пачобут і павінна скончыцца акцыя сілавога высылання мігрантаў», — сказаў ён.
«Не выключаю любых варыянтаў», — адказаў ён на ўдакладняючае пытанне аб тым, будзе закрыццё мяжы ці не.
«Аб пераходах для людзей не гаворым, не будзем ускладняць жыццё звычайным палякам і беларусам», — дадаў Сікорскі.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць11
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары