У апошні тыдзень беларусы перажылі і спёку, і залевы, і буры. Што будзе на наступным тыдні, у эфіры праграмы «Метэагід» расказаў сіноптык Дзмітрый Рабаў.
На наступным тыдні анамальных тэмператур чакаць не варта, кажа Рабаў. У заключнай дэкадзе ліпеня спякота зменшыць абароты, а тэмпературны фон вернецца ў кліматычнае рэчышча — ночы будуць не такімі душнымі, спаць стане камфортна, ды і днём будзе не так горача.
На працягу ўсяго тыдня будуць назірацца ваганні атмасфернага ціску — таму надворʼе будзе няўстойлівае, кожны дзень існуе верагоднасць кароткачасовых дажджоў, не выключаны навальніцы.
У пачатку тыдня на надворʼе паўплываюць малаактыўныя атмасферныя франты і вільготныя паветраныя масы. Рухаючыся на паўночны ўсход, яны адзначацца ў панядзелак у большасці раёнаў, а ў аўторак ноччу па ўсходзе краіны магчымы навальніцы. Вільготнасць да 80 працэнтаў. Ноччу +12 … +17° C, днём у панядзелак +23 … +30°, у аўторак ад +23° па ўсходзе да +31° па паўднёвым захадзе.
У сярэдзіне тыдня за кіраванне надворʼем возьмуцца чарговы атмасферны фронт і вільготныя паветраныя масы. У асноўным па заходняй палове пройдуць кароткачасовыя дажджы, месцамі навальніцы. Тэмпература ноччу ад +14 да +17°C, днём +21…+26°C.
Папярэдне, у пачатку другой паловы тыдня метэаўмовы стане вызначаць чарговы атмасферны фронт з захаду Еўропы. Воблачна з праясненнямі, у большасці раёнаў кароткачасовыя дажджы, магчымы навальніцы. Уначы +14…+19°C. Днём у чацвер +22…+28°C, у пятніцу +20…+26°C.
У выхадныя дні — пераменная воблачнасць, без лакальных дажджоў і навальніц не абыдзецца. Уначы і раніцай месцамі туман, бачнасць да паўкіламетра. Уначы +13…+18°C, у сярэдзіне дня ў суботу ад +16°C у Віцебску да +26°C у Брэсце, у нядзелю +23…+28°C.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава3
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3737
Каментары