Артыстка апублікавала кадры з палігона.
Украінская спявачка Ціна Караль праходзіць ваенную падрыхтоўку. Яна адзначыла ў сацсетках, што знаходзіцца ў лагеры ваеннай падрыхтоўкі з ветэранамі «Азова». Там яна вучыцца базавым навыкам, якія патрэбныя для вайскоўцаў, паведамляе «Уніан».
Таксама спявачка паказала відэа, на якім бегае з іншымі вучнямі. Затым яна далучылася да гатоўкі страў палявой кухні і паказалася ў форме са зброяй.
Раней Ціна Караль распавядала, што навучылася трымаць зброю ў руках і страляць, а яшчэ прайшла курс па тактычнай медыцыне па пратаколе ASM MARCH. Цяпер артыстка ведае, як аказаць чалавеку першую медыцынскую дапамогу.
Пазней яна пракаментавала свой выбар пайсці на ваенныя вучэнні так:
«Я грамадзянка Украіны. Гэта мой выбар. Мой выбар Украіна ўжо вельмі даўно. Гэта не навіна. Хачу свядома разумець, што адбываецца, як дапамагчы людзям і сабе ў надзвычайнай сітуацыі. І мы жывем у вайне. Я вырашыла для сябе, што я павінна ведаць усё: гэта тактычная медыцына па пратаколе, абыходжанне са зброяй, практыка па стральбе, выкарыстанне радыёсувязі, інжынерная падрыхтоўка і баявое зладжванне».
«Я тая яшчэ памідорка». Што Ігар Тур піша ў тэлеграм-чатах са свайго асноўнага акаўнта5
Каментары