Пра раптоўную смерць пінскага краязнаўцы Эдуарда Злобіна паведамілі ў мясцовай краязнаўчай суполцы ў фэйсбуку. Яму было ўсяго 52 гады.
![](http://nashaniva.com/img/w840d4webp1/photos/z_2024_08/13133224_795040233971584_5227491889346270937_n-hkaul.jpg.webp)
Эдуард Злобін. Фота: фэйсбук
Эдуард Злобін у свой час скончыў Маскоўскі гісторыка-архіўны інстытут, але ўсё ягонае свядомае грамадскае і навуковае жыццё было звязана з Пінскам і Палессем.
Ён аўтар шматлікіх артыкулаў па гісторыі Пінска і Піншчыны, сярод іншага быў адным са складальнікаў гісторыка-дакументальнай хронікі «Памяць. Пінскі раён».
Акрамя таго, ён займаўся правядзеннем экскурсій, прыкладаў шмат намаганняў па абароне гістарычнай спадчыны горада і рэгіёна. Эдуард Злобін быў без перабольшання адной з ключавых постацяў у краязнаўчай супольнасці Пінска.
Каментары