Дрэйк фінансава падтрымаў «Венецыю».
Фота: інстаграм Дрэйка
Новы сезон наймацнейшай лігі Італіі стартуе ўжо ў найбліжэйшыя выходныя. «Венецыя», якая вярнулася ў Серыю А, у матчы 1-га тура 18 жніўня згуляе з «Лацыа».
У мінулым сезоне клуб з Венецыі змагаўся з сур'ёзнымі фінансавымі праблемамі і знаходзіўся на мяжы банкруцтва.
З-за складанай сітуацыі саўладальнік клуба Брэд Кацуяма звязаўся са сваім сябрам Мэтам Бабелем, які з'яўляецца членам каманды вядомага рэпера Дрэйка. Крыніца паведамляе, пасля гэтага музыкант вырашыў падтрымаць клуб.
«Венецыі» трэба было 43 мільёны даляраў, каб пазбегнуць банкруцтва. Дрэйк і іншыя інвестары перавялі грошы на рахунак венецыянскай каманды. У выніку клубу ўдалося прадухіліць фінансавы крах, піша football.by.
Каментары