Мінлясгас адрэагаваў на смяротнае ДТЗ з удзелам лася ў Валожынскім раёне і патлумачыў, чаму беларусы сустракаюць дзікіх жывёл на дарогах усё часцей.
Апошнім часам выпадкі з'яўленняў дзікіх жывёл на дарогах Беларусі пачасціліся. Часцей за іншых на праезнай частцы заўважаюць ласёў. Нярэдка гэта прыводзіць да трагедый — у аварыях гінуць і людзі, і жывёлы.
Паводле слоў спецыялістаў Мінлясгаса, у ласёў ёсць асаблівасць псіха-фізіялагічных паводзін — яны вельмі павольна рэагуюць на пагрозу, у тым ліку на транспарт. Гэтым і тлумачацца сутыкненні.
«Зараз у ласёў набліжаецца перыяд размнажэння (з канца жніўня да пачатку кастрычніка), што прыводзіць да павелічэння рухальнай актыўнасці гэтых жывёл. Жывёлы ў пошуках партнёра могуць перамяшчацца на вялікія адлегласці.
Пры гэтым ласі могуць з'яўляцца зусім у нечаканых для іх месцах: у палях, паблізу населеных пунктаў. Усе гэтыя абставіны павялічваюць верагоднасць сустрэчы з ласём і на аўтамабільнай дарозе», — распавялі ў Міністэрстве.
Кіроўцам варта быць уважлівымі, асабліва ў начны час і ў прыцемках, правільна выбіраць хуткасць руху транспарту, а на небяспечных участках значна яе зніжаць.
Калі кіроўца ўбачыў лася паблізу аўтадарогі рэкамендуецца знізіць хуткасць да мінімальнай.
Не рэкамендуецца падаваць гукавы сігнал, калі заўважылі лася. Гэтым можна справакаваць панічныя паводзіны ў жывёлы, што ў сваю чаргу можа прывесці да рызыкі сутыкнення з аўтамабілем.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая2
Каментары