На сустрэчы з «Маці Беслана» Пуцін істотна знізіў колькасць загінулых дзяцей
А таксама абвінаваціў у дапамозе тэрарыстам, якія захапілі школу, нейкія замежныя сілы.
Уладзімір Пуцін на сустрэчы з прадстаўніцамі грамадскай арганізацыі «Маці Беслана» істотна знізіў колькасць загінулых пры тэракце дзяцей, піша Расійская служба Радыё Свабода.
«Мы сустракаемся напярэдадні вялікай трагедыі, якая забрала жыцці 334 чалавек, у тым ліку 136 дзяцей», — сказаў прэзідэнт Расіі, адкрываючы сустрэчу. На самай справе падчас тэракту ў бесланскай школе загінулі 186 дзяцей.
Таксама падчас сустрэчы і з «Маці Беслана» Пуцін абвінаваціў у дапамозе тэрарыстам, якія захапілі школу, нейкія замежныя сілы.
«Мы ведаем, што з-за мяжы спрабавалі не толькі апраўдаць, але і аказвалі тэрарыстам дапамогу, у тым ліку маральную», — заявіў расійскі прэзідэнт, дадаўшы, што тыя ж «ворагі працягваюць спрабаваць разгайдаць нашу краіну, робяць злачынствы ў Курскай вобласці, Данбасе і Наваросіі». У канцы Пуцін паабяцаў дамагчыся «мэтаў у барацьбе з неанацызмам — гэтак жа, як дамагліся ў барацьбе з тэрарызмам».
Шэраг СМІ адзначылі, што на распаўсюджваным федэральнымі тэлеканаламі відэа з сустрэчы кажа толькі прэзідэнт Расіі, рэакцыя на ягоную прамову «маці Беслана» засталася за кадрам.
***
1 верасня 2004 года ў будынку школы №1 у Беслане былі захопленыя больш за 1100 закладнікаў, большая частка з якіх былі дзецьмі. Нападнікі патрабавалі вываду расійскіх войскаў з Чачні. 3 верасня спецназ і вайскоўцы пачалі штурм школы, падчас якога загінулі 334 чалавекі, у тым ліку 186 дзяцей, звыш 800 чалавек пацярпелі. Напад стаў найбуйнейшым у гісторыі Расіі па колькасці ахвяр і застаецца такім па гэты дзень.
Сваякі загінулых, у тым ліку арганізацыя «Маці Беслана», дагэтуль працягваюць дамагацца ад уладаў Расіі правядзення расследавання. Афіцыйная версія мала каго задавальняе, бо разыходзіцца са шматлікімі сведчаннямі тых, хто выжыў, і відавочцаў, а таксама з высновамі незалежных экспертаў і следчых.
Следчыя, сярод якіх забітая пазней журналістка «Новай газеты» Ганна Паліткоўская і яе калега Алена Мялашына, сярод іншага ўстанавілі, што за суткі да тэракту ўлады атрымалі агентурныя звесткі аб планах баевікоў, але не прынялі ніякіх мер; што афіцыйныя прадстаўнікі Крамля свядома зніжалі ў некалькі разоў колькасць закладнікаў, у сувязі з чым іх становішча рэзка пагоршылася; што Уладзімір Пуцін свядома не ішоў на перамовы з закладнікамі, сцвярджаючы, што ў іх не было ніякіх патрабаванняў, і што штурм школы спецназам і вайскоўцамі пачаўся з абстрэлу школы звонку, а не пасля выбуху бомбы ўнутры будынка, як мяркуе афіцыйнае следства.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
2. Хаця, свае для яго гэта не народы РФ, а кіраўніцтва сілавых ведамстваў, чыі інтарэсы ён прыкрывае і ў гісторыі з Бесланам.
3. Гэта паказвае, што баланс сілаў у дзяржаве, адсутнасць манаполіі - гэта не абстрактная дэмакратычная формула. Яна мае ўплыў на жыцці людзей.