Паблізу італьянскага вострава затанула судна з мігрантамі, выратавалася толькі 11-гадовая дзяўчынка
У моры каля берагоў італьянскага вострава Лампедуза выратавалі 11-гадовую дзяўчынку з судна, якое пацярпела катастрофу, піша The Guardian. Малой дапамаглі выжыць ратавальная камізэлька і некалькі камер ад аўтамабільных пакрышак.
Па словах выратаванай, яна правяла ў вадзе без ежы і прэснай вады тры дні, пасля таго як судна, на якім яна плыла разам з яшчэ 44 пасажырамі, не перанесла шторм.
Вядома, што дзяўчынка са Сьера-Леонэ. У лодцы, якая адправілася з туніскага горада Сфакс, яна плыла з іншымі мігрантамі. Пасля крушэння побач з выратаванай было яшчэ двое тых, хто выжыў, але затым іх панесла мора.
Юную мігрантку выявілі выпадкова: каманда выратавальнага судна Trotamar III пачула яе крыкі ў цемры. Калі дзяўчынку выратавалі, паспрабавалі знайсці яшчэ каго-небудзь з пасажыраў. Але пасля шторму з 2,5-метровымі хвалямі і хуткасцю ветру больш за 23 вузлоў, які доўжыўся некалькі дзён, гэта не прынесла выніку.
Адзначаецца, што міграцыйны водны маршрут паміж Паўночнай Афрыкай, Італіяй і Мальтай — адзін з найбольш небяспечных у свеце. За дзесяць гадоў на ім прапалі без вестак або загінулі больш за 24,3 тысячы чалавек.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
У першакрыніцы 2.5 метраў.
І гэта не шторм (9 балаў). Па апісанню было 6 балаў.
Не хачу казаць, што гэта не страшна. Страшна. Проста і перабольшваць не трэба.