У Іране завершана расследаванне крушэння верталёта Раісі. Да чаго прыйшлі?
Здарэнне было прызнанае няшчасным выпадкам.
![](http://nashaniva.com/img/w840d4webp1/photos/z_2024_05/ap24115434904704-k9fds.jpg.webp)
Ібрахім Раісі. Ілюстрацыйнае фота: AP Photo /Eranga Jayawardena
Колькасць пасажыраў у верталёце перавышала норму, таму ён не змог узляцець на патрэбную вышыню. Ва ўмовах жа туману ён урэзаўся ў гару, паведамляе Fars.
«Расследаванне паказвае, што верталёт, на борце якога знаходзіўся прэзідэнт, перавозіў на два чалавекі больш, чым прадпісвалася ў пратаколах бяспекі, і калі пілот заўважыў туман і паспрабаваў вывесці верталёт на патрэбную вышыню, верталёту не хапіла для гэтага магутнасці, і ва ўмовах абмежаванай бачнасці з-за туману адбылося сутыкненне з гарой», — сказала крыніца ў іранскіх спецслужбах.
Верталёт, на борце якога ляцеў прэзідэнт Ірана Ібрахім Раісі, трапіў у аварыю недалёка ад мяжы з Азербайджанам 19 мая.
Каментары
Мі-171 разлічаны на 26 чалавек, максімальная ўзлётная маса 12 тон. А там ляцела ўсяго 8, іх бы верталёт нават не заўважыў.
Bell 212 максімальная ўзлётная маса 5 тон.
Калі пілоту загадваюць маліцца Алаху, а не выконваць меры бяспекі.