НАТА не была праінфармаваная загадзя аб планах Украіны правесці наступ на Курскую вобласць, заявіў генеральны сакратар альянсу, піша Deutsche Welle.
НАТА лічыць апраўданай ваенную аперацыю Украіны ў Курскай вобласці РФ. Гэта вынікае з заяў Генеральнага сакратара Паўночнаатлантычнага альянсу Енса Столтэнберга ў інтэрв'ю газеце Welt am Sonntag.
«Вось ужо больш за 900 дзён Расія вядзе неапраўданую, агрэсіўную вайну супраць Украіны і ўжо здзейсніла шматлікія атакі на Украіну праз мяжу, з тэрыторыі Курскай вобласці. Паводле міжнароднага права, расійскія салдаты, танкі і вайсковыя базы з'яўляюцца законнымі цэлямі», — заявіў экс-прэм'ер-міністр Нарвегіі.
Ён падкрэсліў, што ва Украіны ёсць права абараняцца. «І, паводле міжнароднага права, гэта права не спыняе дзеяння на мяжы (Украіны з Расіяй)»,— дадаў Столтэнберг.
Ён таксама нагадаў пра заяву прэзідэнта Украіны Уладзіміра Зяленскага аб тым, што аперацыя пад Курскам патрэбная ягонай краіне, каб стварыць буферную зону і засцерагчы сябе ад будучых трансгранічных нападаў Расеі.
Пры гэтым Енс Столтэнберг прызнаў, што наступ УСУ пад Курскам звязаны з рызыкай, як і ўсе іншыя ваенныя аперацыі. «Але вырашаць, як абараняць сябе, павінна сама Украіна», — рэзюмаваў ён.
Ён абверг сцвярджэнні Крамля аб тым, што NATO была ў курсе наступу Украіны на тэрыторыі РФ, які рыхтуецца. «Украіна не абмяркоўвала загадзя з НАТА свае планы па наступу ў Курскай вобласці, — запэўніў ён. — З гэтага пункту гледжання NATO не адыгрывала ў ім ніякай ролі».
З 6 жніўня УСУ вядуць наступальную аперацыю ў Курскай вобласці РФ. Паводле звестак галоўнакамандуючага ўкраінскай арміяй Аляксандра Сырскага, на гэты момант пад кантролем Украіны знаходзяцца 1300 квадратных кіламетраў тэрыторыі РФ.
Мяркуючы з усяго, падчас наступу ў Курскай вобласці была задзейнічаная і Заходняя зброя. У прыватнасці, гаворка ідзе пра нямецкія БМП Marder, танкі Challenger з Вялікабрытаніі, а таксама амерыканскую сістэму залпавага агню HIMARS.
Прапагандысты запэўніваюць, што 196 палітвязняў ужо на свабодзе9
Каментары