У Беларусі зацвердзілі пералік відаў рамеснай дзейнасці. У яго не ўвайшоў выраб свечак і мыла
Урад прыняў пастанову аб пераліку відаў рамеснай дзейнасці.
Ілюстратыўны здымак. Фота: «Наша Ніва»
Пастанова ўрада набывае моц 1 кастрычніка. У пералік увайшлі наступныя віды дзейнасці:
- бондарства,
- выраб і рамонт пячной дэкаратыўнай кафлі, саней, павозак і дзіцячых санак, вырабаў ручнога ткацтва, вязання, вышыўкі, макрамэ, карункапляцення і валення, вырабаў з дрэва мастацкай апрацоўкі, кухоннага інвентару, лялек, дэкаратыўнага пано і рознага роду сувеніраў, вырабаў з каменя і керамікі, выраб беларускага нацыянальнага касцюма, нацыянальных музычных інструментаў,
- выраб пражы,
- кавальская справа,
- мастацкая апрацоўка і роспіс вырабаў з дрэва, каменя, косці, скуры, рога, металу, керамікі, фанеры, прадстаўленых спажыўцом.
Тымі відамі дзейнасці, якія не трапілі ў пералік, напрыклад, выраб вясельных аксесуараў, свечак, мыла, можна займацца, але ўжо ў якасці самастойнай прафесійнай дзейнасці.
Каментары