Мінчук аддаў сваю картку сяброўцы жонкі. Яна скрала 6000 рублёў
Нейкі падвох уладальнік карты заўважыў толькі пасля трэцяга разу.
Аднойчы жанчына зайшла ў госці да сяброўкі. Муж гаспадыні чамусьці вырашыў, што перадаць карту прыяцельцы жонкі і адправіць яе ў краму — добрая ідэя. Да таго ж ён на ўсялякі выпадак назваў жанчыне PIN-код ад карты.
Сяброўка жонкі ў краму схадзіла, пакупкі прынесла. Але, акрамя гэтага, яна зняла з карты ў банкамаце 1000 рублёў і забрала іх сабе, пішуць «Мінск-Навіны».
Увечары гісторыя паўтарылася, але гэтым разам жанчына зняла ўжо 3000 рублёў. На наступны дзень мужчына адправіў сяброўку жонкі ў краму ў трэці раз і, сам таго не ведаючы, страціў яшчэ 2000 рублёў.
Прапажу грошай гаспадар выявіў праз некаторы час і звярнуўся ў міліцыю. На жанчыну завялі крымінальную справу па артыкуле аб крадзяжы маёмасці шляхам мадыфікацыі камп'ютарнай інфармацыі.
Абвінавачаная нідзе афіцыйна не працуе, у яе ёсць пагашаная судзімасць за падробку меддаведкі. Віну яна прызнала, частку грошай мужу сяброўкі вярнула. У пракуратуры заявілі, што жанчына мае патрэбу ў прымусовым лячэнні ад хранічнага алкагалізму.
Цяпер з абвінавачанай узялі падпіску аб нявыездзе і належных паводзінах.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары