Праз моцны вецер у больш як 200 населеных пунктах былі праблемы са святлом
Энергетыкі праводзяць аднаўленчыя работы.
Электразабеспячэнне з-за парывістага ветру парушалася пераважна ў Віцебскай і Мінскай абласцях.
У большай ступені стыхіі падвергліся Полацкі, Расонскі, Верхнядзвінскі, Ушацкі і Гарадоцкі раёны.
У Барысаўскім раёне, напрыклад, магутны вецер закінуў на правады цяпліцу.
«Патэлефанаваў сусед і паведаміў пра гэтую падзею. Ужо ў галаве малявала, што яна так і паляціць за суткі ў суседнюю вёску. Сумна і тое, што гэта быў падарунак ад мужа на мой дзень нараджэння год таму. Усталёўваў вясной. Нягледзячы на тое што цяпліца, як запэўнівалі прадаўцы, узмоцненая, а вакол плот, яе ўсё роўна сарвала», — распавяла гаспадыня цяпліцы.
Сёння ў Беларусі захоўваюцца складаныя ўмовы надвор'я — дажджы і моцны вецер, парывы якога дасягаюць 21—24 м/с.
У ліквідацыі наступстваў непагадзі задзейнічана 98 аварыйных брыгад і 105 адзінак тэхнікі.
Жыхарцы Магілёва пагражаюць крыміналкай за тое, што зняла ранішнюю чаргу ў рэгістратуру1
Каментары