Байдэн даручыў задзейнічаць усе рэсурсы для аховы Трампа. Пра гэта гаворыцца ў заяве пасля меркаванай спробы яшчэ аднаго замаху на былога прэзідэнта.
«Падазраваны знаходзіцца пад вартай, і я высока ацэньваю працу Сакрэтнай службы і іх партнёраў з праваахоўных органаў за іх пільнасць і іх намаганні па забеспячэнні бяспекі былога прэзідэнта і яго атачэння. Я рады, што былы прэзідэнт не пацярпеў. Вядзецца актыўнае расследаванне гэтага інцыдэнту, паколькі праваахоўныя органы збіраюць больш падрабязнасцяў.
Як я ўжо шмат разоў казаў, у нашай краіне няма месца палітычнаму гвалту або якому-небудзь гвалту наогул, і я даручыў сваёй камандзе працягваць забяспечваць Сакрэтную службу ўсімі рэсурсамі, магчымасцямі і мерамі абароны, неабходнымі для забеспячэння далейшай бяспекі былога прэзідэнта», — заявіў Байдэн.
Меркаваны замах на Дональда Трампа адбыўся ўчора ў Фларыдзе каля гольф-клуба кандыдата ў прэзідэнты. Спачатку паведамлялася, што гэта была перастрэлка паміж двума чалавекамі, але потым ФБР заявіла пра замах і пра тое, што падазраваны ў замаху арыштаваны.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары