Тайваньская кампанія Gold Apollo паведаміла, што мадэль пэйджараў, якія выбухнулі ў Ліване 17 верасня, вырабляецца яе венгерскімі партнёрамі — фірмай BAC Consulting KFT, аднак выкарыстоўвае лога Gold Apollo, піша Newsru.co.il.
Заснавальнік тайваньскай кампаніі Сюй Цзіньгуань заявіў тэлеканалу CNN, што яго фірма не мае ніякага дачынення да выбухаў: «Я таксама ахвяра. Мы займаемся бізнесам 30 гадоў. А цяпер на мяне звалілася гэта?»
Канал адзначае, што на Тайвані вытворчасць пэйджараў знаходзіцца пад жорсткай рэгуляцыяй, і ўлады ўвесь час праводзяць праверкі. Такія інспекцыі праводзіліся і на Gold Apollo, дзе ніколі не выяўлялася ніякіх праблем.
Па стане на раніцу 18 верасня, Міністэрства аховы здароўя Лівана пацвярджае гібель 11 чалавек у выніку падрываў пэйджараў, якімі карысталіся актывісты «Хезбалы».
Міністэрства аховы здароўя Лівана пацвярджае, што ў бальніцы былі дастаўлены каля 3000 параненых, сотні з іх у цяжкім або крытычным стане.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары
Наш пострел везде поспел )