Беларускіх студэнтаў цэнтралізавана вазілі ў анексаваны Расіяй Крым
Яшчэ ў канцы жніўня паведамлялася, што на сайце Беларускага дзяржаўнага ўніверсітэта культуры і мастацтва была апублікаваная аб'ява, у якой студэнтаў універсітэта запрашалі прыняць удзел у мерапрыемстве ў акупаваным Крыме — «Саюзная дзяржава: мастацтва быць разам», якое планавалася правесці з 9 па 15 верасня. Як выявілі эксперты па адукацыі з маніторынгавай групы @iSANS_Belarus, мерапрыемства сапраўды адбылося, і туды прывозілі студэнтаў з беларускіх ВНУ, піша «МотолькоПомоги».
Больш за тое, удзел беларускіх студэнтаў у паездцы на акупаваныя тэрыторыі не быў лакальнай ініцыятывай толькі БДУКМ, а насіў цэнтралізаваны характар.
Гэтым разам на акупаваныя тэрыторыі Украіны вазілі таксама студэнтаў МИТСО, Гомельскага дзяржаўнага медыцынскага ўніверсітэта, Беларускай дзяржаўнай акадэміі мастацтваў, Палескага дзяржаўнага ўніверсітэта, Віцебскага дзяржаўнага медыцынскага ўніверсітэта і навучэнцаў Гродзенскага гуманітарнага каледжа.
«Гэтая сітуацыя цалкам пацвярджае нашы здагадкі аб тым, што беларускія навучальныя ўстановы ўсё часцей будуць цэнтралізавана вывозіць навучэнцаў і студэнтаў на акупаваныя тэрыторыі Украіны. Калі ў пачатку чэрвеня мы казалі пра першы зафіксаваны выпадак цэнтралізаванага вывазу маладых людзей з боку асобнага ўніверсітэта (БДУІР), то цяпер гаворка ідзе пра першы агульнанацыянальны ўдзел устаноў адукацыі ў мерапрыемствах на акупаваных тэрыторыях пад шыльдай «Саюзнай дзяржавы», — лічаць прадстаўнікі маніторынгавай групы.
Эксперты перакананыя, што такая практыка будзе працягвацца, а расійскі бок будзе і далей выкарыстоўваць акупаваныя тэрыторыі як пляцоўку для легітымізацыі іх акупцыі праз правядзенне на іх міжнародных мерапрыемстваў пры ўдзеле беларускіх грамадзян.
Новы перформанс Кузьміча ў Парыжы: намаляваў вялікі палавы орган ВІДЭА22
Каментары