Беларуска паўтара года дапамагала грашыма «Сяргею з Гродна». А гэта была яго былая жонка
У Баранавіцкі РАУС з заявай звярнулася мясцовая жыхарка і паведаміла, што стала ахвярай махляроў.
У красавіку мінулага года 23-гадовая дзяўчына пазнаёмілася з маладым чалавекам па імені Сяргей. Сувязь яны падтрымлівалі праз месенджар. Праз некаторы час з дзяўчынай звязалася 33-гадовая жыхарка Гродна і прадставілася сястрой Сяргея, распавялі ў міліцыі Гродна.
На працягу амаль паўтара года гродзенка пісала, што ў «маладога чалавека» праблемы са здароўем, ён знаходзіцца ў бальніцы і прасіла грошай на яго лячэнне, акрамя таго пісала, што Сяргея звольнілі з працы і ва ўсім вінаватая «каханая».
У выніку, зламысніца з красавіка 2023 года па жнівень 2024 года прысвоіла сабе 36 454 рублёў.
Дарэчы, пацярпелая ўжывую бачыла свайго «каханага» адзін раз. Як высветлілася, ілжэсястра на самай справе з'яўляецца былой жонкай «Сяргея».
Распачата крымінальная справа па артыкуле «махлярства, здзейсненае ў буйным памеры».
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары
але ўчастковы так са мной размаўляў.. правяраў ці што.. я была на працы, паслала малога.. дык у яго спытаў - ці не састаю я на ўліку?