У Мінабароны расказалі, як атрымаць дазвол на палёт беспілотніка
Заяўку на выкарыстанне паветранай прасторы для беспілотнікаў неабходна падаць не пазней, чым за дзве гадзіны да палёту. Пра гэта паведаміў у эфіры тэлеканала СТБ Расціслаў Давідзюк, начальнік упраўлення па выкарыстанні паветранай прасторы Узброеных сіл Беларусі.
Прадстаўнік Міністэрства абароны ўдакладніў, што любому палёту павінен папярэднічаць дазвол органаў адзінай сістэмы арганізацыі паветранага руху. Акрамя таго, на ўсёй тэрыторыі Беларусі існуюць зоны, у якіх арганізацыя палётаў патрабуе дадатковага дазволу на выкарыстанне паветранай прасторы ў забароненых зонах.
У выпадку адсутнасці спецыяльных дазволаў, палёт беспілотніка будзе лічыцца парушэннем правілаў выкарыстання паветранай прасторы, за што прадугледжана адміністрацыйная адказнасць.
Расціслаў Давідзюк дадаў, што адразу вызначыць, ці законны палёт беспілотнага апарата і каму ён належыць, немагчыма. Але час рэагавання скарачаецца, бо «з выкарыстаннем сродкаў сувязі ўдакладняецца ў цэнтры адзінай сістэмы арганізацыі паветранага руху пра правамернасць палёту гэтага беспілотніка ў даследуемым раёне».
У верасні 2023 года быў падпісаны ўказ «Аб дзяржаўным уліку і эксплуатацыі грамадзянскіх беспілотных лятальных апаратаў». Дакумент забараніў фізічным асобам увоз, эксплуатацыю і выраб дронаў, а таксама іх захоўванне. Такое права цяпер маюць толькі арганізацыі і індывідуальныя прадпрымальнікі для ажыццяўлення прадпрымальніцкай і прафесійнай дзейнасці пры ўмове выканання патрабаванняў заканадаўства.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары