На Нацыянальным прававым інтэрнэт-партале апублікавана рашэнне стварыць адзіную аўтаматызаваную сістэму персанальных даных пасажыраў самалётаў. У яе будуць уключаць інфармацыю пра ўсіх, хто лётае паветраным транспартам, даныя «неўязных» грамадзян і некаторыя іншыя звесткі.
У дакуменце адзначаецца, што авіякампаніі, якія займаюцца міжнароднымі паветранымі перавозкамі, павінны забяспечыць перадачу ў гэтую базу персанальных звестак авіяпасажыраў, якія вылятаюць і прыбываюць у краіну.
Авіякампаніі мусяць паведамляць пра прозвішча, імя і імя па бацьку пасажыраў, пол, дату нараджэння, даныя аб грамадзянстве або падданстве, від, тэрмін дзеяння, серыю і нумар дакумента, на падставе якога набыты квіток.
Акрамя таго, у сістэме будуць даныя пра авіякампанію, нумар рэйса, дату і час вылету, колькасць пасажыраў на борце, назву аэрапортаў вылету і прызначэння, код браніравання і іншая інфармацыя.
У сваю чаргу авіяперавозчыкі, падключаныя да сістэмы, атрымаюць доступ да базы даных пра пасажыраў, якім забаронены ўезд у Рэспубліку Беларусь.
Паведамляецца, што тэрмін захоўвання персанальных даных пасажыраў у сістэме складзе два гады.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары