Тынкоўшчыку з Мінскага раёна далі тры гады калоніі за адмаўленне генацыду беларускага народа
Таксама Андрэя Савіцкага абвінавацілі ў абразе Лукашэнкі.
Справа аб адмаўленні генацыду беларускага народа разглядалася ўпершыню, працэс праходзіў у Мінскім гарадскім судзе.
55-гадовага жыхара Мінскага раёна, Андрэя Савіцкага затрымалі ў лютым. Яго абвінавацілі ў тым, што ён стварыў групу ў «Аднакласніках», у якой нібыта пісаў абразлівыя тэксты на адрас Лукашэнкі «выключна ў сувязі з займанай ім пасадай і выкананымі службовымі абавязкамі».
Акрамя таго, як сказана ў матэрыялах справы, «22 сакавіка, у гадавіну трагедыі ў вёсцы Хатынь, Савіцкі ў спробах фальсіфікацыі падзей, вынікаў Другой сусветнай вайны і апраўдання злачынстваў нацысцкіх злачынцаў і іх памагатых, нацыяналістычных фарміраванняў у гады Вялікай Айчыннай вайны наўмысна сказіў абставіны масавага знішчэння 22 сакавіка 1943 года жыхароў Хатыні».
«22 сакавіка — трагедыя ў Хатыні. А наогул, ці праўда гэта ці нас хочуць пераканаць, што гэта справа рук немцаў…», — цытуе толькі частку таго паста «СБ».
Суд, як сцвярджаецца, даследаваў прысуд Міжнароднага ваеннага трыбунала, кнігу «Хатынь. Трагедыя і памяць», іншыя дакументы і прыйшоў да высновы, што Савіцкі наўмысна адмаўляў генацыд.
Мужчыну прысудзілі да трох гадоў пазбаўлення волі з адбываннем пакарання ў калоніі ва ўмовах агульнага рэжыму.
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары