Курс даляра ЗША па выніках прайшоўшых 24 лютага біржавых таргоў узрос на 6 рублёў і склаў 2.926 рублёў, што з’яўляецца новым гістарычным максімумам. Папярэдні быў зафіксаваны на таргах 19 лютага.
Паводле звестак БВФБ, у таргах далярам бралі ўдзел 26 банкаў. Аб’ём здзелак склаў 16 млн. 522 тыс. (попыт — 16 млн. 538 тыс., прапанова — 3 млн. 385 тыс.)
У таргах еўра ўзялі ўдзел 23 банкі. Аб’ём здзелак склаў 7 млн. 566 тыс. (попыт — 7 млн. 565 тыс., прапанова — 8 млн. 696 тыс.), а курс знізіўся на 32 рублі да адзнакі 3.962 рублі за еўра.
У таргах расійскім рублём бралі ўдзел 26 банкаў. Курс узрос з 96,88 да 97,43 рубля, таксама дасягнуўшы новага гістарычнага максімуму. Аб’ём таргоў склаў 697 млн. 770 тыс. расійскіх рублёў (попыт — 730 млн. 527 тыс., прапанова — 697 млн. 770 тыс.). Папярэдні рэкорд быў зафіксаваны 17 лютага (96,91 рубля).
Курс валютнага кошыка (даляр ЗША, еўра, расійскі рубель) знізіўся на 0,004%: кошт кошыка на 25 лютага складае 1.041,46 рубля супраць 1.041,50 днём раней.
З пачатку года курс кошыка ўзрос на 0,5%, даляра — на 2,2%, расійскага рубля — на 2,93%, еўра — знізіўся на 3,5%.
На 2010 год калідор ваганняў курсу беларускага рубля ў дачыненні да кошыка валют устаноўлены ў межах плюс/мінус 10%.
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць24
Каментары