Вызначыўся апошні паўфіналіст хакейнага алімпійскага турніру ў Ванкуверы. Ім стала зборная Славакіі, што выйграла ў шведаў 4:3 (0:0, 3:2, 1:1).
Нагадаем, што шведы выйгралі ў групавым турніры Алімпіяды ў беларусаў (4:2).
Вароты заходніх славянаў бараніў аднаклубнік Сяргея Касціцына па клубе «Манрэаль Канадыенс» Яраслаў Галак.
Нагадаем, што Канада выйграла ў Расіі — 7:3, ЗША перамагла Швейцарыю — 2:0, а Фінляндыя — Чэхію — 2:0.
Такім чынам у паўфіналах у пятніцу, 26 лютага, згуляюць:
ЗША — Фінляндыя (пачатак матча а 22‑й паводле мінскага часу), Канада — Славакія (пачатак у 04:30 у ноч на суботу).
Фінал пройдзе ў нядзелю, 28 лютага. Пачатак у 22:15.
Каментары