Размова пра малыя турыстычныя аўтобусы маркі Avior, якія збірае ТАА «КФ-Аўта».
Кампанія раней наладзіла зборку фургонаў і малых мікрааўтобусаў накшталт усім вядомай «Газэлі». Цяпер жа прадпрыемства асвоіла выпуск аўтобуса на 29 месцаў: турыстычны Avior Tourist, міжгародні Avior CityLink, а таксама прыгарадны варыянт, піша Blizko.by.
Даўжыня аўтобуса — 8,47 метра, тэхнічна дапушчальная маса — 9.000 кг, колькасць пасадачных месцаў — 29+1 месца кіроўцы.
Рухавік 4,1-літровы Weichai WP4.1nq170e61, стандарту еўра-6. Са снежня 2024-га аўтобусы Avior будуць выпускацца на новым шасі з рухавіком Yuchai YCS04180 — 50 і 6-ступенчатай механічнай каробкай перадач FastGear С6Ј76Т, што дазволіць знізіць расход паліва, паменшыць узровень шуму і вібрацыі, а таксама павялічыць рэсурс рухавіка. З лістапада 2024-га аўтобус Avior у турыстычнай версіі выпускаецца з лабавым шклом з падагрэвам.
У цэлым аўтобусы падобныя на тыя, што выпускаюць у Беларусі пад брэндам «Нёман».
Марка Avior належыць канцэрну SAIC Motor.
Да гэтага часу ў Беларусі аўтобусы выпускалі два вытворцы: МАЗ у Мінску і вопытны завод «Нёман» (філіял МЗКЦ) у Лідзе.
Каментары