Беларусь экстрадавала ў Расію ўдзельніка злачыннай банды «Іфы-Казлова»
Беларусь экстрадавала ў Расію ўдзельніка расійскай злачыннай банды «Іфы-Казлова». Падрабязнасці паведамілі ў прэс-службе Генеральнай пракуратуры.
У паведамленні сказана, што Генпракуратура Беларусі задаволіла запыт Генпракуратуры Расіі, звязаны з выдачай для прыцягнення да крымінальнай адказнасці аднаго з удзельнікаў групоўкі «Іфы-Казлова».
Адзначаецца, што асобе, якая падлягае выдачы, у Расіі інкрымінавана здзяйсненне цяжкіх злачынстваў: бандытызм, забойства, захоп закладнікаў, удзел у злачыннай арганізацыі.
У Генеральнай пракуратуры адзначылі, што крымінальная групоўка была створана ў 1995 годзе ў расійскай Варкуце. Яна дзейнічала да 1 сакавіка 2012 года.
Фігурант з 2012 года быў у вышуку, у тым ліку міжнародным. Ён хаваўся ад сілавікоў, аднак у студзені 2025 года быў затрыманы на тэрыторыі Беларусі.
«Па даручэнні Генеральнай пракуратуры адзначаная асоба перададзеная Дэпартаментам выканання пакаранняў МУС канвою расійскага боку», — адзначылі ў прэс-службе.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак5
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары