Сталі вядомыя прозвішчы яшчэ сямі чалавек, вызваленых праз памілаванне
Прозвішчы сямі жанчын назваў прапагандыст Юрый Васкрасенскі. Яны выйшлі на свабоду ў лістападаўскія хвалі памілаванняў.
Прозвішчы вызваленых — Вольга Патрусаева, Алена Гуцік, Валерыя Драгун, Таццяна Макарава, Наталля Сцёпіна, Алена Дуброўская, Ірына Скроб.
26-гадовая Вольга Патрусаева была затрыманая 15 лістапада 2023 года і асуджаная ў судзе Маскоўскага раёна горада Мінска па ч. 1 арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) да 1,5 года калоніі агульнага рэжыму.
38-гадовая Алена Гуцік меркавана была затрыманая ў канцы траўня 2024 года і асуджаная 24 ліпеня ў судзе Кастрычніцкага раёна Мінска па ч. 1 арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Прысуд быў праваабаронцам невядомы.
23-гадовую Валерыю Драгун затрымалі 27 красавіка 2024 года, а 19 чэрвеня ў судзе Ленінскага раёна Гродна ёй вынеслі прысуд паводле арт. 370 КК (здзек з дзяржсімвалаў) — 1 год калоніі агульнага рэжыму.
50-гадовую Таццяну Макараву 13 сакавіка 2024 года ў судзе Баранавічаў і Баранавіцкага раёна прызналі вінаватай паводле ч. 3 арт. 203-1 Крымінальнага кодэксу (незаконныя дзеянні ў дачыненні да інфармацыі пра прыватнае жыццё і персанальных даных) іасудзілі да двух з паловай гадоў абмежавання волі з накіраваннем ў ПУАТ («хіміі»).
52-гадовая Наталля Сцёпіна 18 чэрвеня 2024 года была асуджаная ў судзе Кастрычніцкага раёна горада Магілёва паводле ч. 2 арт. 367 КК (паклёп у дачыненні да Лукашэнкі) на 2 гады калоніі агульнага рэжыму.
49-гадовая Алена Дуброўская 17 красавіка 2024 года была асуджаная ў судзе Ленінскага раёна горада Магілёва паводле ч. 1 арт. 368 КК (абраза Лукашэнкі) да 1,5 года калоніі ва ўмовах агульнага рэжыму.
49-гадовая Ірына Скроб была асуджаная Мінскім гарадскім судом 3 жніўня 2023 года паводле ч. 1 арт. 361-4 КК (садзейнічанне экстрэмісцкай дзейнасці) да 2 гадоў і 6 месяцаў пазбаўлення волі.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары