Грамадства2626

Бізнэсу аддалі 10-15% ад дапамогі Еўрасаюза Беларусі — Ягораў адказвае на крытыку з боку Латушкі

Па словах Паўла Латушкі, траціна ад вылучаных Еўрасаюзам грошай на падтрымку дэмакратычным сілам Беларусі ідуць на падтрымку рэлакаванага бізнэсу. Маўляў, праз гэта бракуе грошай на палітвязняў і культуру. У тым, што так адбываецца, Латушка вінаваціць Андрэя Ягорава. Вось, што на гэтыя абвінавачванні адказаў сам Ягораў у пісьмовым адказе «Нашай Ніве».

Андрэй Ягораў і Павал Латушка. Фота: Офіс Святланы Ціханоўскай/ Наша Ніва. Калаж: Наша Ніва

Еўрасаюз выдзеліў 30 мільёнаў еўра дапамогі дэмакратычным сілам Беларусі.

«Буду шчырым, (…) мы не ведаем — ні Кабінет, ні Офіс Ціханоўскай, (…) ні Каардынацыйная рада, — якім чынам размяркоўваюцца гэтыя грошы, — сказаў сёння Павел Латушка ў інтэрв'ю праграме «Обычное утро».

Ёсць прыярытэтныя кірункі. І раней за гэта адказваў [тагачасны спікер Каардынацыйнай рады] Андрэй Ягораў, яго група. Вось гэты год мы едзем па шаблонах Ягорава. Ён гэту тэму вёў, ён быў лідарам. Так склалася. Калісьці гэта было рашэнне Офіса. Еўрасаюзу гэта падабалася.

Таму Ягораў акрэсліваў галоўныя кірункі разам з арганізацыямі, грамадзянскімі ініцыятывамі Беларусі. Адразу кажу, што не з палітычнымі структурамі. Мы ўвогуле не запрашаліся для выпрацоўкі рашэння. (…)

Зараз мы хочам змяніць гэты падыход, прымаць удзел у прыняцці гэтых рашэнняў. Бо, напрыклад, 33% ішло, наколькі я ведаю, на падтрымку бізнэсу, які рэлакаваўся. А бракавала сродкаў на палітвязняў. (…)

Я не супраць бізнэсу, але ў нас ёсць нацыянальная культура. З'ехалі тысячы дзеячаў нацыянальнай культуры, і мы нават не можам прафінансаваць купалаўцам пастаноўку спектакля», — сказаў Латушка.

«Такія заявы паказваюць поўную некампетэнтнасць Паўла Латушкі ў гэтым пытанні, — напісаў у пісьмовым адказе на запыт «Нашай Нівы» Андрэй Ягораў.

Канечне, я не быў і не мог быць адказным за размеркаванне сродкаў Еўрасаюза. Сродкі размяркоўвае сам ЕС, і інакш быць не можа. Дэмакратычныя сілы і грамадзянская супольнасць Беларусі арганізуюць штогадовыя кансультацыі па ацэнцы патрэбаў, якія ЕС прымае да ўвагі, калі прымае рашэнні пра дапамогу. Гэта, калі хочаце, дарадчы голас. І вельмі важна, што мы яго маем», — адзначыў палітык.

Колькі ж грошай ішло на падтрымку бізнэсу?

Са слоў Ягорава складана дакладна сказаць, колькі менавіта грошай выдаткоўвалася на бізнэс з 2020 года, бо звесткі па сектарах з прычын бяспекі Еўрасаюзам адкрыта не публікуюцца.

Пры гэтым ён адзначае, што гэта дакладна значна менш, чым выдзяляецца на падтрымку палітзняволеных ці на падтрымку адукацыі для беларускіх студэнтаў.

«Па прыблізных ацэнках гэта можа складаць ад 10% да 15%. Дакладней пра гэта мусіць ведаць АВВА як спецыяльная структура, што падтрымлівае бізнэс у рэлакацыі», — кажа былы спікер Каардынацыйнай рады Беларусі.

Латушка нічога не ведаў?

Таксама Ягораў сцвярждае, што гэта няпраўда, што Латушка і ягоныя структуры не былі датычныя да выпрацоўкі рашэнняў.

«Працэс кансультацый каардынаваўся Офісам Святланы Ціханоўскай, Аб'яднаным пераходным кабінетам і Каардынацыйнай радай і падтрымліваўся ўсімі.

Усе сектаральныя дакументы, што выпрацоўваліся групамі, прамежкавыя і канчатковыя выніковыя дакументы былі даступныя ўсім гэтым структурам. Натуральна, што Латушка як намеснік кіраўніка Кабінета меў магчымасць усе бачыць і каментаваць».

Павел Латушка Фота: Наша Ніва

Сёлета, па словах Ягорава, гэты працэс арганізаваны такім самым чынам, як і раней.

«Галоўную ролю граюць групы, што прадстаўляюць арганізацыі і экспертаў з канкрэтных сектараў: медыя, правы чалавека, адукацыя, культура, бізнэс, грамадзянская супольнасць. Яны выпрацоўваюць асноўны змест, ацэньваюць агульны аб'ём патрэбаў. Працэс каардынуюць усё тыя ж структуры — ОСЦ, АПК, КР, ад кожнай з іх есць свой прадстаўнік.

Я таксама далучаны да працы як каардынатар па тэхнічнай і метадычнай частцы кансультацый», — кажа Ягораў.

«Наша Нiва» — бастыён беларушчыны

ПАДТРЫМАЦЬ

Каментары26

  • Абурэлы гірын
    13.12.2024
    Дарагі Андрэй Ягораў, я частка грамадзянскай супольнасці і дэмакратычных сілаў. Як мне далучыцца да кансультацыяў з Еўразвязам па пытаннях размеркавання фінансавання? Ці вы з АББАй - грамадзянская супольнасць і дэмакратычныя сілы са знакам якасці, можа?
  • Трохногі спрут
    13.12.2024
    Ягораў: "Працэс каардынуюць усе тыя ж структуры — ОСЦ, АПК, КР".
    Структуры Ціханоўскай каардынуюць усе выдзеленыя грошы.
    Трохногі васьміног, які накрыў сабой усю фінансавую дапамогу, вылучаную Еўрасаюзам на падтрымку дэмакратычным сілам.
  • барадзед
    14.12.2024
    [Рэд. выдалена]

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць