Свет1313

Дамы якіх галівудскіх зорак згарэлі ў страшных лясных пажарах у Лос-Анджэлесе ФОТЫ

Дом Энтані Хопкінса згарэў дашчэнту, Лэдзі Гага вымушана была эвакуявацца. Але не толькі яны. Кадры з месцаў нагадваюць фільмы пра апакаліпсіс.

Галівудская кінапрадзюсарка Мэган Манція разам са сваім хлопцам Томасам глядзяць на свой знішчаны ў агні лясных пажараў дом. Фота: Ethan Swope / AP Photo

Як паведамляюць агенцтвы Reuters, Al Jazeera, The Nightly і іншыя, шматлікія амерыканскія знакамітасці пацярпелі ад страшных па маштабах лясных пажараў, якія ўспыхнулі днямі ў Лос-Анджэлесе і прыгарадах, закрануўшы багатыя раёны.

Сярод пацярпелых зорак, якія былі вымушаныя эвакуявацца са сваіх дамоў, — Пэрыс Хілтан, Лэдзі Гага, Майлі Сайрус. У зону эвакуацыі таксама трапілі дамы Стывена Спілберга, Тома Хэнкса, Брэдлі Купера, Бена Афлека, Джэніфер Эністан, Адама Сэндлера і Уіла Сміта.

Свае дамы праз пажары цалкам страцілі акцёры Адам Броўдзі (зорка мінулагодняга серыяла «Ніхто гэтага не хоча») і яго жонка Лейтан Містэр, Джэймс Вудс, Даян Уорэн, Джэймі Лі Керціс, Кэмеран Мэцісан, Мэндзі Мур і іншыя. Пажар знішчыў і дом вядомага акцёра Энтані Хопкінса коштам 6 млн даляраў.

Акрамя таго, у зону бедства трапіў дом былой суперніцы Дональда Трампа на нядаўніх прэзідэнцкіх выбарах у ЗША Камалы Харыс.

Згарэў дом сына Байдэна — Хантэра Байдэна. Дом ацэньваўся ў 4,2 млн даляраў. Сын амерыканскага прэзідэнта сам там не жыў, а здаваў нерухомасць у арэнду амаль за 16 тысяч даляраў у месяц. 

Дамы знакамітасцяў у раёне Pacific Palisades, што паміж Санта-Монікай і Малібу, ахінуты полымем. Фота: Mark J. Terrill / AP
Згарэлы дом акцёра Энтані Хопкінса. Фота: BackGrid / Vida Press
Лясныя пажары ў Лос-Анджэлесе і прыгарадах. Спадарожнікавы здымак Maxar

Прэзідэнт ЗША Джо Байдэн абвясціў рэжым маштабнай стыхійнай бяды ў штаце Каліфорнія і загадаў аказаць федэральную дапамогу ў дадатак да намаганняў мясцовых уладаў па аднаўленні раёнаў, пацярпелых ад лясных пажараў. Байдэн таксама адклаў запланаваны візіт у Італію, каб засяродзіцца на аказанні дапамогі ў сувязі з пажарамі.

Пажары, якія назвалі найбуйнейшымі ў гісторыі Каліфорніі, выпалілі тысячы гектараў зямлі ў Лос-Анджэлесе і прыгарадах. Пяць чалавек загінулі, 100 тысяч чалавек былі эвакуяваныя, 1100 будынкаў згарэлі дашчэнту, яшчэ сотні тысяч засталіся без электрычнасці. Меркаваная шкода ад стыхійнага бедства ўжо ацэньваецца ў звыш 50 мільярдаў даляраў.

Каментары13

  • бомж
    09.01.2025
    офіс мусіць абвясціць сбор данатаў
  • Чарлі Шын - мудры інвестар
    09.01.2025
    Хтосьці там смяяўся з Чарлі Шына? Наркаман, алкаголік, лудаман прасраў домік у Малібу. Жаласны лузер. І хто зараз лузер?
    Дзесьці смяецца Чарлі Шын, як паспяховы інвестар, што своечасова скінуў неруху-інвестыцыю.
  • Тв
    09.01.2025
    Галівудскія мазгадурыцелі маюць столькі грошай дзякуючы недалёкім аматарам іхняга мастацтва падману, што без праблем могуць пабудаваць сабе сотні такіх дамоў…і ўсё за ваш кошт. ну а калі якому ня хопіць, то здыме яшчэ якую кіношку-падманку і вы з радасьцю аждасьуе яміу свае грошы

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць